Glæsilegt hjá Eið Smára

Eiður Smári Guðjohnsen stóð sig heldur betur vel í kvöld er hann skoraði þriðja mark Barcelona í sigurleik gegn Valencia. Mikill orðrómur hefur verið að undanförnu um það hvort að hann sé á förum frá Barcelona. Sá frétt um daginn þar sem gefið var í skyn að hann færi jafnvel þaðan snemma á árinu 2008. Það verður áhugavert að sjá hvort sú verði raunin.

Eiður Smári samdi við Barcelona til þriggja ára og yfirgaf Chelsea, eftir sigursæla tíð þar, þann 14. júní 2006. Hlutirnir eru jafnan ekki mikið að breytast í þessum bransa. Það verður fróðlegt að sjá hvert að Eiður Smári muni fara gangi salan eftir. Löngum hefur verið orðrómur um að hann færi jafnvel til Bretlands aftur og orðrómur verið um Manchester United, Tottenham og jafnvel West Ham þar sem Björgólfur Guðmundsson drottnar.

Eiður Smári er einn besti íþróttamaður þjóðarinnar, við getum sannarlega öll verið stolt af honum. Hefur fundist margir vera mjög ósanngjarnir við Eið Smára síðustu misserin og gera lítið úr hans framlagi til knattspyrnunnar. Nægir þar að nefna nýlegar aðstæður hans er hann tók ekki þátt í landsleiknum gegn Dönum.

Hann hefur staðið sig vel í sínum verkefnum og átt góða leiki með landsliðinu, hefur meðal annars slegið gömul marka- og leikjamet Ríkharðs Jónssonar, svo að það er fjarstæða að tala um að hann hafi ekki unnið vel með verkum sínum. Það er vonandi að honum gangi vel hjá Barcelona og því gaman að sjá hann skora með liðinu.

Eiður skoraði í 3:0-sigri Barcelona

Athugasemdir

[Gyða Björk (IP-tala skráð) 16.12.2007 kl. 01:38]

Mjög sammála.  Er þessi neikvæðni ekki stundum (þori ekki að fullyrða) bara öfund?

Spyr sá sem ekki veit.

Frábær knattspyrnumaður og sómi að honum. 

[Magnús Guðjónsson, 16.12.2007 kl. 10:13]

Alveg  er  hjartanlega  sammála  þér  með  framlag  Eiðs  Smára  til íslenskrar  knattspyrnu  og  tek  svo sannarlega  undir mér  þér  um íþróttamennskuna  í  Eiði  Smára,  hann er  aburðaíþróttamaður  og hefur  alltaf  verið  landi og þjóð  til  sóma.  Það  að  spila  með  Barcelona og  vera  þar  í  leikmannahópnum  segir  allt sem segja þarf um hæfileika  hans...

[Ingibjörg Friðriksdóttir, 16.12.2007 kl. 12:32]

Flott færsla, algjörlega sammála og vil jafnframt bæta því við, að mitt álit á Eiði Smára sé:  Hann er laus við stjörnustæla, flottur, drengur góður og alveg frábær húmoristi sem tekur sjálfan sig ekkert hátíðlega.