Siðferðismörkin á netinu

Í samfélaginu er jafnan mikið talað um siðferði, ekki síst á netinu sem orðinn er einn sterkasti fjölmiðill nútímans. Mér finnst það ekki eðlilegt að kynferðislegt efni einkenni síðuna leikjanet, sem börn nota jafnan mjög mikið. Þarna hlýtur lykilspurningin um siðferðið á netinu að koma upp. Það er því mikilvægt að Margrét María Sigurðardóttir, umboðsmaður barna, tjái sig hreint út um málið. Umboðsmaður barna á að taka á svona málum og vera leiðandi í umræðu er varðar vef sem greinilega er markaðssettur fyrir börn og fókuserar á yngri aldurshópa fyrst og fremst.

Ætla svosem ekki að vera harðorður í garð þeirra sem reka vefinn leikjanet, en þeir verða hinsvegar að vera vakandi fyrir því að ekki sé kynferðislegt efni á síðu á borð við þessa. Ef þeir taka ekki á málum af þessu tagi þarf almenningur að minna á skoðun sína á málinu. Ég tek því undir áskorun Margrétar Maríu. Finnst þetta frekar alvarlegt mál og það er mikilvægt að tala hreint út um þetta. Við lifum vissulega í heimi þar sem klám og kynlíf er orðin lykilsöluvara. Það er samt algjörlega fyrir neðan allt að tengt sé á efni af þessu tagi á vef fyrir börn.

Þetta er ekki í fyrsta skiptið sem þetta gerist á leikjaneti og vonandi geta þeir haldið utan um þetta betur héðan í frá.

Fáklæddar konur á vefjum tengdum Leikjaneti

Athugasemdir

[Júlíus Sigurþórsson, 16.12.2007 kl. 15:28]

Það eru 1079 leikir á Leikjanet.is, þeir sem hafa farið þangað inn og skoðað, sjá að í raun er þetta bara tengslasíða inn á leiki á erlendum síðum. Svo virðist sem ein þessara síða sem leikjanet.is vísar á hafi birt auglýsingum með léttklæddri konu. Það er útilokað fyrir þá að reyna að ritskoða allar þessar síður daglega, til að sjá hvort einhver þeirra hafi birt auglýsingu sem hugsanlega gæti sært blygðunarkennd notenda. En þeir skoða hverja síðu í upphafi og engin þeirra sýnir slíkt efni þegar tengill er settur.

Ef einhver síða sem þeir vísa á er með óviðurkvæmilegt efni, þá á bara að senda þeim tölvupóst og ég er viss um að þeir fjarlægi viðkomandi tengil um leið. Það er lýðskrum að fara með þetta í fjölmiðla, eða vera með áskoranir og ásakanir í garð þeirra sem að vefnum standa. Enda ekki við þá að sakast ef einhver erlendur leikjamiðill breitir um auglýsingu, sérstaklega þar sem margar af þeim auglýsingum sem birtast á vefsíðum erlendis er settar inn sjálfvirkt af þriðja aðila, sem leigir viðkomandi pláss og selur auglýsingar. það er jafnvel sama auglýsingin á mörg hundruð vefum, fá einum auglýsingamiðlara.

[Jónína Dúadóttir, 16.12.2007 kl. 22:07]

Er umræðan um að foreldrar fylgist með börnum sínum á netinu alveg dottin uppfyrir ? Það er okkar foreldranna að passa börnin er það ekki ? Og annað, ef blessuð börnin sjá nú aldrei neitt hræðilegra en léttklædda konu, eru þau þá í einhverri hættu ?