Starbucks til Íslands, takk!

Líst mjög vel á framtak Bjarna Kristinssonar að berjast fyrir því að fá Starbucks hingað til Íslands. Það er löngu kominn tími til þess að við fáum kaffihúsakeðjuna hingað á klakann. Eflaust hafa þeir litið á markaðinn sem alltof lítinn. Það gerist oftast nær þegar að útlendingar heyra um Ísland og okkur 300.000 sálirnar með eldkraftinn. En við erum ekkert venjulegt 300.000 manna samfélag!

Það hefur verið mjög notalegt að geta farið á Starbucks þegar að maður fer út. Minnist sérstaklega ferðarinnar til Washington fyrir þrem árum en þar var ferð á Starbucks sem sæluvist. Þetta er svona víðar um heiminn. Þetta er einfaldlega kaffihús fyrir algjörlega sælkera. Mikil upplifun.

Hvet alla til að fara á starbucks.is og skrifa undir áskorun um Starbucks á klakann!

Ræðir við Starbucks um opnun á Íslandi

Athugasemdir

[Frikki (IP-tala skráð) 18.12.2007 kl. 15:10]

Í fyrsta lagi, þar sem Skífan kemur nálægt má búast við okri. Keypti Skífan ekki BT? Verðið í BT hefur hækkað að undanförnu frá því að vera einna lægst upp í hæsta flokk. Ég keypti vöru í síðustu viku í Hagkaup í Smáralind sem kostaði 4980 en hafði farið fyrst í BT og þar kostaði varan 6999. Mér fannst það of dýrt svo ég ákvað að athuga í Hagkaup og sparaði tvöþúsundkall þar! Ég skora á alla að skrifa ekki undir ósk um komu Starbucks-okurkeðjunnar til Íslands. Það er ekkert sérstakt kaffihús miðað við annað og okursjoppa í hæsta flokki hvar sem borið er niður í heiminum.

[SM, 18.12.2007 kl. 15:13]

Starbucks er agaett thar sem thad er: i Ameriku. Ekkert serstakt kaffi, thunnt bara. Vid eigum betri kaffihus.

[365, 18.12.2007 kl. 17:03]

Af hverju ættum við að leggjast svo lágt að kaupa kaffi af þeim er styrkja með beinum fjárframlögum Sea Sheppard, ég bara spyr?

[asanfran, 18.12.2007 kl. 18:07]

Starbucks drepur alla samkeppni. Við eigum góð kaffihús á íslandi. Okkur vantar ekki dýra Ameriska kaffi sjoppu.

www.ihatestarbucks.com

[Stefán Friðrik Stefánsson, 18.12.2007 kl. 21:03]

Frikki: Það verður auðvitað bara að ráðast. Það er svosem ekki ódýrt að fara á kaffihús yfir höfuð. En það er samt stór hluti af menningunni orðinn hérna heima. Fjölbreytni eyðileggur ekki neitt. Margir Íslendingar fara á Starbucks þegar að þeir fara út og ágætt að láta reyna á það hverjir vilja staðinn hingað. Finnst ekkert að því að fá svo alþjóðlega keðju til landsins. Ef það ber sig ekki að þá er sjálfhætt með það.

Sylvía: Vissulega er það ágætt þar. Ef það kemur hingað þarf það bara að berjast við aðra staði um athyglina. Ekkert verra að láta á það reyna hverjir fá staðinn til landsins. Finnst ekkert að fjölbreytni.

365: Þeir sem vilja ekki kaupa kaffi af Starbucks þurfa ekkert að versla þar. Það er val hvers og eins.

asanfran: Ekki er ég að kvarta yfir kaffihúsum hér heima. Fjölbreytni skemmir þó ekkert.

mbk.

[Hlynur Hallsson, 19.12.2007 kl. 00:14]

Aðal gallinn við Starbucks er að þar er frekar vont kaffi. Kaffitár, Te og Kaffi og gamla góða Kaffibrennslan eru öll með miklu betra kaffi. Bestu kveðjur,

[Fannar frá Rifi, 19.12.2007 kl. 21:21]

Earth First samtökinn fá víst einnig styrk frá þeim í gegnum sjóði ásamt Sea Shepard. Mér þykir ekki neitt gott við það að fá fyrirtæki til landsins sem styður hryðjuverkamenn eins Paul Watson. Reyndar þykir mér þetta mjög slæmt og hvet alla til að sniðganga þetta fyrirtæki. Aldrei skal ég stíga fæti mínum innfyrir dyr hjá þeim og hvað þá styðja og styrkja hryðjuverkamenn með því að versla við þá.