Róttækir femínistar fara yfir strikið

Mér finnst jólakort róttækra femínista þar sem þær blanda saman jólunum og nauðgunum í lágkúrulegan kokteil fara algjörlega yfir strikið. Ég get ekki séð hvernig að nokkur heilvita einstaklingur geti sett þetta tvennt í samhengi og boðið fólki upp á sem boðskap. Hvernig er hægt að tengja þetta tvennt saman? Þar sem þetta er sett fram með skrift og teikningu sem gæti verið eftir smábarn er eðlilegt að spyrja um hvort þessum boðskap sé sérstaklega beint að börnum? Er þetta virkilega ætlað börnum á aðventunni?

Mér finnst þetta einstaklega ósmekklegt - ég sé ekki samhengið með þessu og skil ekki boðskapinn. Halda femínistar kannski að þetta sé boðskapur sem skipti máli fyrir jólin? Eru jólin ekki gleðihátíð fólks, hvar koma nauðganir inn í þá mynd? Ég bara spyr. Svo finnst mér mjög ósmekklegt að talað er um karla almennt er varða nauðganir. Þetta er boðskapur sem hlýtur að vekja spurningar. Það að forystukona í stjórnmálaflokki bendi á þessa mynd sérstaklega vekur líka spurningar.

Ég vil beina því til Sóleyjar Tómasdóttur að vinsamlega bera virðingu fyrir jólunum og ekki draga hátíð ljóss og friðar á þetta lága plan.

Athugasemdir

[Ívar (IP-tala skráð) 20.12.2007 kl. 15:47]

Hjartanlega sammála þér Stefán.

Þetta er sett svoleiðis upp að bara karlmenn almennt nauðgi!

Einhvers staðar þarf að setja mörkin en þessi mörk eru greinilega ekki til staðar hjá þessu fólki. Þetta er til háborinnar skammar!

[Nanna Katrín Kristjánsdóttir, 20.12.2007 kl. 15:53]

Mjög lágt plan.

[Jóhann Kristjánsson, 20.12.2007 kl. 16:11]

sæll.. heheh ég verð nú bara að segja að við hugsum furðulíkt:) skoðaðu bloggið mitt þá skilurðu hvað ég meina.. www.joik7.blog.is en já ég er sko sammála þér að þessi umræða er á miklum villigötum hjá henni Sóleyju.

[GeirR, 20.12.2007 kl. 16:11]

Ég er orðlaus yfir þessum ósköpum.

Óska bæði konum og körlum gleðilegra jóla.

[Stefán Friðrik Stefánsson, 20.12.2007 kl. 16:20]

Takk fyrir kommentin.

Ívar: Já, þetta er mjög dapurlegt í alla staði. Alveg til skammar.

Nanna: Vægast sagt já.

Jóhann: Gott að við erum sammála um þetta. Þessi mynd sló mig mjög og ég eiginlega fór að hugsa um hvar mörkin væru hjá femínistum. Sá þessa mynd fyrst hjá Sóleyju og beindi þessu aðallega að henni, enda er hún án vafa valdamest af þessum harðlínufemínustum.

Geir: Já, þetta er skelfilegt, framsetningin fyrir neðan allt.

mbk.

[Guðrún (IP-tala skráð) 20.12.2007 kl. 16:35]

Sammála þessu. Finnst þetta ekki eðlilegt. En vil samt segja að Sóley Tómasar hefur ekkert með þessi kort að gera. Það er ekki hún sem gefur þau út og þess vegna óeðlilegt að kenni henni um þetta.

Það er ekki hægt að gera bara ráð fyrir því að ákveðin manneskja beri ábyrgð á einhverju. Það verður að vera einhver sönnun fyrir því.

Og svo vil ég segja, að þetta kort er umdeilt meðal femínista sjálfra. Það eru ekki allir sáttir þar, enda var tekin sú ákvörðun að gefa ekki þetta ákveðna kort út á pappírsformi heldur bara á rafrænu formi.

[Guðmundur Jóhannsson, 20.12.2007 kl. 16:39]

Þetta er það sem rekur naglan í kistu þessara baráttu aðferða.  Feministar ætla að halda áfram að staglast á því við börn að karlar séu nauðgarar, nýðist á konum og börnum,  haldi niðri launum  kvenna og stjórni því hvort kona selur líkama sinn eða ekki.

Ef þessum ofstopa linnir ekki verður það þannig að næsta kynslóð fyrirlítur karlmannin, feður geta ekki faðmað börnin sín, hvað þá að baða þau og klæða.

[Dagný Rut Haraldsdóttir (IP-tala skráð) 20.12.2007 kl. 16:40]

Skilurðu ekki boðskapinn?? Hann er ákkúrat bara ekkert flókinn.  Í vel yfir 90% nauðagana eru það karlmenn sem nauðga og er það eitthvað sem við viljum sjá? Nei. Við viljum nauðganir burt.  Með þessari uppsetningu er einungis verið að benda á þá hræðilegu staðreynd sem blasir við, og það að óska sér það í burtu finnst mér ekkert athyglisvert... hvort sem það er gert á þennan hátt eða annan.  Á hverjum degi fram til jóla benda þessir jafnréttis, femínísku jólasveinar á ýmisslegt sem betur mætti fara.  Hvað nákvæmlega er athyglisvert við það? Og afhverju ekki að blanda jólunum inní það? Þetta skiptir nákvæmlega jafn miklu máli um jólin og aðra tíma.

mbk.

[halkatla, 20.12.2007 kl. 16:54]

sammála - þessir jólasveinar hrífa mig ekki og er ég þó mjög hrifgjörn að eðlisfari

[Nanna Katrín Kristjánsdóttir, 20.12.2007 kl. 16:59]

Dagný þó 90%(sem eru mjög ótrúverðugar tölur sérstaklega þar sem margir drengir/menn sem eru misnotaðir af konum eiga ekki jafnan möguleika að koma fram og leita hjálpar)þeirra sem nauðga eru menn þýðir ekki að 90% manna nauðga.

[Ívar (IP-tala skráð) 20.12.2007 kl. 17:11]

Dagný Rut þvílík vitleysa sem vellur upp úr þér.

Fólkið hérna er að tala um að þarna sé þetta þannig orðað að karlmenn almennt nauðgi...sem er hreinlega ógeðslegt að halda fram. Þarna kemur það ekkert málinu við hvað stór hluti nauðgara eru karlmenn.

 Svo hlýturðu að geta áttað þig á því að á jólunum, tíma ljóss og friðar, er ekki pláss fyrir þennan yfirgengilega áróður ykkar öfgafemínista og þið skjótið langt yfir markið þegar þið setjið þetta upp sem barnateikningar og barnaskrift.

Það eru nánast allir sem aðhyllast jöfnuð og mannréttindi... það að vera á móti svona athæfi er ekki að vera á móti jöfnuði. 

[Elías Pétursson (IP-tala skráð) 20.12.2007 kl. 17:26]

Sæll Stefán

Tek undir með þér varðandi þetta kort, sem er reyndar því miður dæmigert fyrir stóran hluta af málflutningi þeirra.

Örlítið varðandi innlegg hér að ofan.

Guðrún, Sóley er því miður holdgerfingur þess öfgafemínista málflutnings sem hefur riðið röftum hér í bloggheimum og víðar. Einnig var hún fljót að birta umrætt kort á bloggi sínu og virðist því telja að kortið sé gott innlegg í umræðuna. 

Dagný, þetta er ekkert flókið. Það að skrifa með barnalegri rithönd texta eins og hér um ræðir er í besta falli meiðandi fyrir karlmenn og reyndar mömmur þeirra og alla sem standa nálægt þeim.

Það að þú segir að 90% geranda í nauðgunarmálum séu karlmenn er ekki rök í málinu, á einhverju blogginu sá ég reyndar vitnað í rannsókn þess efnis að 10 til 25% kvenna væru gerendur í kynferðislegu ofbeldi.

Hvernig heldur fólk til dæmis að eftirfarandi rugl óskir Askasleikis færu í fólk ef einhver tæki sig til og birti þær.

Askasleikir óskar sér að....

• konur hætti að berja börn 
• konur hættu að hata karlmenn
• konur væru góðar við mennina sína
• femínistar hættu að holdgera hið illa í karlmönnum
• femínistar hættu að alhæfa um alla hluti

Að sjálfsögðu er ekkert af þessu skoðun mín og því síður sagt til að meiða einn eða neinn, en ég bið fólk samt að máta þetta aðeins. Láta svo börnin sín lesa það og sjá árangurinn af fræðslunni.

Hitt er svo annað að nokkrar af þessum sjálfskipuðu boðberum réttlætis og jafnréttis virðast sækja í málflutning af þessu tagi og hefur Sóley Tómasdóttir verið þar framarlega þar til nýlega. Það virðist vera að þessar sjálfsagt um margt ágætu konur og fleiri þurfi helst að vera þar sem orðræðan er röklaus og í klóakhæð.

bkv

EP  

[Hafsteinn Viðar Ásgeirsson, 21.12.2007 kl. 09:54]

Ég hef sagt það áður og segi enn; Sóleyju Tómasdóttur er erfitt að kenna nokkuð eða leiðbeina. Hér segir Guðrún að kortin séu ekki hennar, má vera, en jafnljós er hrifning hennar á þeim og einlæg og þau eru í hennar anda og hennar sálufélaga.

[leifur (IP-tala skráð) 21.12.2007 kl. 11:10]

 

verst þykir mér að VG (vinstri grænir) sjái ekki að sér! það er staðreynd að meiri hluti ef ekki allir þessir rótæku feministar eru flokksmenn í VG.

Sóley Tómas, sem er FORMAÐUR MANNRÉTTINANEFNDAR REYJAVÍKURBORGAR, er að ásaka alla karlmenn um að vera nauðgarar! sér enginn neitt slæmt við þetta nema ég?!?!

af hverju er henni ekki hennt út öfugri úr þessari nefnd, ef VG eða borgarstjórn sér ekkert athugavert við þetta, þá er það mjög slæmt, og ekki góður farvegur fyrir það sem koma skal.

væri gaman að sjá hvað ég kæmist langt með það að kalla kvennmenn hórur (því jú einhverjar eru það, staðreynd), og væri jafnframt formaður mannréttindanefndar.

mannréttindi eru kannski bara fyrir konur?

[Óðinn Þórisson, 21.12.2007 kl. 11:40]

Sóley Tómasdóttir er í mínum huga fasisti en ekki femínisti og þessi ágæti saumaklúbbur hennar er löngu búinar að eiðileggja þetta orð femínisti.
Ég tek undir það sem leifur segir að það hversvegna Sóleyu Tómasdóttur er ekki hent út úr borgarstjórn -
Björn Ingi styður Sóleyju Tómasdóttur og segir það heilmikið um hann sem stjórnmálamann og hvað langt niður hann er kominn.

Þetta er mín skoðun - vonandi hef ég ekki farið yfir strikið.

[Sóley Tómasdóttir (IP-tala skráð) 21.12.2007 kl. 16:59]

Sælt veri fólkið.

Ég skil ekki alveg hvernig ég á að bera ábyrgð á þessum jólakortum. Ég gegni engum ábyrgðarstöðum hjá Femínistfélagi Íslands og kom ekki nálægt hönnun þessa korts. Það eina sem ég hef gert í tengslum við málið er að birta þetta á heimasíðu minni - en það hafa fleiri gert, m.a. eigandi þessarar síðu.

Ég ætla ekki að rökræða réttmæti kortsins hér, en finnst fyndið að sjá hvernig ég er orðin holdgervingur fyrir allt sem femínistar láta frá sér.

Kveðja,

Sóley Tómasdóttir

[Stefán Friðrik Stefánsson, 21.12.2007 kl. 17:40]

Þakka kommentin.

Við erum flestöll sammála og það er gott mál. Held að það sjái flestallir að svona boðskapur er ekki boðlegur.

Þakka þér kommentið Sóley. Ég birti þessa mynd með færslu sem hafði mjög ákveðnar skoðanir, enda talaði ég mjög ákveðið gegn þessu korti. Þannig að ég tel að birting okkar á þessu efni sé mjög ólík. Þú hefur birt alla seríuna og vakið sérstaklega athygli á henni. Lít á það sem samþykki á efninu.

Ef ekki geturðu tjáð andúð þína hér og sagt hreint út hvað þér finnst um þetta kort. Gerðu það endilega.

Í þessum skrifum mínum felst hinsvegar engin allsherjar árás gegn femínistum, hef stundum varið ykkur þegar að mér blöskrar ómálefnalegar árásir gegn ykkur, en þetta kort fer yfir öll mörk. 

mbk.

[Mummi Guð, 21.12.2007 kl. 23:03]

Sóley, þú segir í athugasemdum hérna fyrir ofan "Ég skil ekki alveg hvernig ég á að bera ábyrgð á þessum jólakortum".

Eru þetta þá jólakort eftir allt saman, var þá Gísli Hrafn að ljúga að blaðamönnum Morgunblaðsins?