Mikilvægur sigur fyrir strákana okkar

Það var gaman að sjá strákana taka Tékka í vináttulandsleiknum síðdegis. Þetta er mikilvægur sigur, góður undirbúningur fyrir EM sem hefst í Noregi síðar í vikunni. Leist þó ekkert á upphafið, en við skoruðum ekkert fyrstu mínúturnar en það rættist svo úr því. Tékkar færu marki yfir í hálfleikinn en við vorum mjög sterkir í seinni hálfleik og tókst að ná forskotinu og héldum henni nær allt til enda. Flottur sigur og peppar vonandi þjóðina og strákana upp fyrir mótið.

Það er mikilvægt að styðja vel við bakið á okkar liði á EM. Í fyrra sameinaðist þjóðin við imbakassann eða fór út til Þýskalands til að styðja liðið. Þá náðum við mjög góðri útkomu, þó vissulega hefðum við gjarnan vilja ná aðeins hærra. En í heildina var það frábært mót og við svona byggðum aftur upp væntingar okkar og vonir til landsliðsins, sem hafði átt giska erfitt undir forystu Viggós og undir lokin á þjálfaraferli Guðmundar Guðmundssonar.

Alli Gísla hefur staðið sig vel sem þjálfari og gert góða hluti. Það var gott að hann skyldi halda áfram. Þar réði miklu þrýstingur landsmanna og augljós vilji um að hann héldi um stjórnartaumana. Það er vonandi að við getum verið jafnstolt af strákunum okkar á EM í Noregi. Það verði ekki síðri bylgja stuðningsins sem þeir fái frá okkur og áhuginn á mótinu verði ekki minni.

Annars er handboltinn sannkölluð þjóðaríþrótt og fátt sameinar þjóðina betur á köldum vetrardögum en að standa saman um það að styðja landsliðið. Vonandi getum við verið stolt af okkar framgöngu þar.

Íslenskur sigur í Höllinni

Athugasemdir

[Dunni, 13.1.2008 kl. 20:59]

Já Stebbi minn.  Mikilvægur sigur fyrir drengina okkar í Höllinni.

Svo lágu drengirnir okkar í Noregi, 36-19 fyrir landsliði frænda okkar.

Og norski landsliðsþjálfarinn sagði þetta gersamlega tilgangslausan sigur þar sem Íslendingar hefðu sýnt Norðmönnum þann sóma að senda B-liðið í æfingamótið hérna.   Norsarar segja þetta virðingarleysi við íþróttina að senda B-lið þegar önnur lið eru með sína sterkustu menn.

Tek undir það með Gunnari og öðrum  Fyrst Tékkaleikurinn var tekinn fram fyrir æfingamótið í Noregi hefðu HSÍ átt að draga sig út úr norska mótinu en alls ekki senda varaliðið og verða sér til skammar. 

[Stefán Friðrik Stefánsson, 14.1.2008 kl. 17:01]

Takk fyrir kommentin.

Dunni: Já, alveg frábær sigur. Vonandi gengur vel úti í Noregi. Hafði ætlað mér að fara á mótið, en kemst ekki. Nóg að gera hérna heima og ferðinni varð ég að aflýsa, en ég fylgist vel með í gegnum skjáinn. Afleitt já að heyra af úrslitunum í undir18 leiknum. Þvílíkur skellur.

Einar: Segi það sama, þá taldi ég þetta stefna í tap eða jafntefli. En þetta hafðist sem betur fer, fínt upphaf á EM.

mbk.