Rassskelling í Þrándheimi - mikil vonbrigði

Mikil eru vonbrigðin eftir landsleikinn í kvöld. Strákarnir okkar voru rassskelltir svo um munaði af þó ekkert sérstökum Svíum. Það vantaði einhvern veginn algjörlega neistann í liðið í kvöld, það er ekki bjóðandi heilli þjóð að horfa upp á svona algjört and- og máttleysi eins og við blasti í kvöld. Vonbrigðin eru mikil. Framundan eru erfiðir leiðir gegn Slóvökum og Frökkum. Það þarf að sýna öllu betri takta þá eigum við að geta átt alvöru von.

Verð að viðurkenna að ég var allt að því farinn að gapa af undrun og ergju þegar að við náðum ekki að dúndra svo mikið sem einu marki á um eða yfir tíu mínútna kafla. Allir keppnis- og skapmenn þola ekki svona langan down-tíma. Hreint út sagt. Verð að viðurkenna að ég taldi ekki mínúturnar - þær voru þó andskoti lengi að líða og hver sekúnda var svekkjandi og eftir því sem tíminn leið var ekki hægt annað en hreinlega að taka nokkra ergelsistóna yfir andleysinu, sem fór með okkur í þessum leik.

Svona rassskelling eru mikil vonbrigði en enn hafa strákarnir tíma til að hysja upp um sig brækurnar og taka á þessu. En það er með handboltann eins og annað; you win some - lose some. Verðum bara að vona það besta fyrir hönd liðsins. Sigur gegn Slóvökum hlýtur að teljast grunnatriði hérna heima vilji liðið ná að bíta frá sér gegn Frökkum. Það vonandi tekst að landa sigri næst. En nú þurfa menn að horfa í eigin barm og taka sig saman í andlitinu áður en næst er spilað. Grunnkrafa!

Leikurinn í kvöld var skelfingarsaga nær frá upphafi til enda. En það dugar ekki að leggjast niður í eymd og volæði. Vonandi mun landsliðið geta horft fram fyrir þessa rassskellingu og taka hana sem hverja aðra lexíu og bíta frá sér í næstu átökum. Það eitt skiptir nú máli. Við getum ekki látið það til okkur spyrjast að við rennum svona á rassinum út af þessu móti!

Svíar sigruðu

Athugasemdir

[HP Foss, 17.1.2008 kl. 22:26]

Það er nú einfaldlega þannig að ef annað liðið nær að láta allt ganga upp hjá sér, þá lítur hitt liðið illa út á meðan. Næsti leikur getur fallið okkar megin.

Það þýðir ekkert að vera með þetta væl þó þetta hafi ekki gengið upp í kvöld, við vissum að Svíar væru sterkir.

Okkar menn eru ekki að byrja í þessu, þeir vita hvað þarf til.

[Stefán Friðrik Stefánsson, 17.1.2008 kl. 22:28]

Þetta er ekkert væl, heldur eðlileg gagnrýni. Okkar menn voru rasskelltir í kvöld. Þeir voru algjörlega að spila undir öllu sem eðlilegt telst og eðlilega fá þeir svona lélegt spilerí í hausinn á sér.

[Ásdís Sigurðardóttir, 17.1.2008 kl. 22:36]

Þeir voru ekki að standa sig eins vel og þeir geta, þetta var ekki góður leikur af þeirra hálfu.

[Erna Friðriksdóttir, 17.1.2008 kl. 22:50]

Væl Væl. Hvað er það núna , er það liðið eða þjálfarinn sem á að reka??

 Skil þetta ekki alveg er þó formaður  umf.    Við bara getum ekki alltaf unnið allt hvort sem það er hérlendis milli liða eða erlendis.  og það þarf ekkert að vera vegna þess að það er uppsgjöf í liðinu.  Er Hundleið á að hlusta á svona...allir eyna sitt besta hvað annað????? 

 En Áfram Ísland   auvðvitað stend ég með þeim strákunum ! Eins og ég stend með mínu lið þegar spilað er hér á landi milli flokka, þó að mitt lið   tapi tel ég það enga uppgjöf, það gæti unnið næst :)

Je je    knattspyrna hjá mínu félagi á Akureyri nk laugardag, þó að liði tapi er það ekki uppgjöf enn ef það' vinnur er það bónus..........

Við verðum að vera svolítið vakandi yfir ungdómnum líka. allir í samfélaginu og það er Bónus að vinna  en gaman að taka þátt þó svo að við vinnum ekki.......

[Stefán Friðrik Stefánsson, 17.1.2008 kl. 22:56]

Alveg sammála, Ásdís mín.

Erna: Það er auðvitað enginn rekinn á mótinu. Þetta er liðið og nú verða menn að standa og falla með verkum sínum og forystu. Efast samt um að Alli Gísla verði lengur með liðið en út mótið. Hann ætlaði sér að hætta eftir HM en ákvað að taka EM líka. Þetta verður þó að ráðast bara. Það er eðlilegt að við séum ekkert hoppandi sæl, þetta var svo miklu meira en tap. Að mínu mati var þetta rassskellur. En eins og ég segi í pistlinum lærum við vonandi á þessu mótlæti og komum sterkari til næsta leiks. Þó að ég sé ekkert sæll með leikinn tala ég vel um liðið og brýni þá til dáða. Það þarf að gera mun betur. Það er enginn sælli með því að tala mildilega um þennan skell, sem er óheppilegur fyrir okkur í upphafi móts. En eitt tap er enginn heimsendir, en strákarnir verða bara að taka sig á.

mbk.

[Jóhann Rúnar Pálsson, 18.1.2008 kl. 01:38]

Sæll Stefán!

Fannst þetta nú ekkert alslæmt þótt tapið svíði! "Strákarnir okkar" áttu hreinlega ekkert svar við stórleik "öldungsins" í liði Svía. Verð nú eiginlega að taka ofan hattinn fyrir þeim snillingi. Varnarleikur liðsins var alls ekki slæmur heldur eiginlega þvert á móti oft á tíðum. Hinsvegar var sóknarleikurinn vægast sagt slakur og trúlega átti Svenson stóra rullu í því að gera íslenska liðið heldur ráðvillt í sínum aðgerðum með heimsklassamarkvörslu núna í kvöld. Hlakka til komandi daga með enn meiri handbolta í sjónvarpinu.

Bestu kveðjur úr Öxarfirðinum

[Óðinn Þórisson, 18.1.2008 kl. 08:20]

Sóknarleikurinn var skelfilegur og ekki meira um það að segja.  Það var ýmislegt jákvætt, Hreiðar og Birkir voru að standa sig vel og Fúsi var góður í vörninni. Ég hef fulla trú á því að menn komi til baka og klári slóvakana á laug og frakkana á sun. Þetta er rétt að byrja og mikilvægt að menn séu jákvæðir.
Við erum með eitt af 4-8 bestu landsliðum í heiminum í dag.

Áfram Ísland.

[Stefán Friðrik Stefánsson, 18.1.2008 kl. 13:03]

Takk fyrir kommentin Óðinn og Jóhann Rúnar. Alveg sammála ykkur. Þó að þetta hafi verið skellur verður að líta á björtu hliðarnar. Vonandi læra menn á svona skelli. Enn er séns og tími til að bæta úr. Vonandi tekst það.

mbk.