Umdeildur Herra Ísland endurheimtir æruna

Það er ekki hægt að segja annað en að Ólafur Geir Jónsson, sem sviptur var titlinum Herra Ísland fyrir þrem árum, hafi endurheimt æruna með niðurstöðu héraðsdóms, sem tekur undir öll meginrök hans í málinu gegn fegurðarsamkeppni Íslands. Ekki aðeins eru honum dæmd peningagreiðsla heldur er tekið sérstaklega fram að ekki átti að dæma hann frá titlinum.

Ólafur Geir er því sigursæll og með pálmann í höndunum. Verði þessi dómur endanlegur, eða staðfestur í Hæstarétti, er því komið fordæmi þess að nær vonlaust verði fyrir fegurðarsamkeppni Íslands að svipta sigurvegara titli á eigin forsendum og komi upp deilur milli keppninnar og sigurvegarans. Þegar að hann missti titilinn var hann illa skaddaður, enda voru notuð rök um að hann væri í svallinu og hefði ekki hagað sér siðsamlega, hann væri ekki karakter sem þau gætu stutt opinberlega.

Það eru svolítið kuldaleg endalok fyrir aðstandendur keppninnar að tapa málinu svo afgerandi, ákvörðunin sé dæmd ólögleg og að ummælin um hann hafi verið ósönn. Það verður áhugavert að sjá hvort að þau una þessu, en með því eru þau að staðfesta að þau geti ekki skipt um sigurvegara í miðju ferlinu.

Held að þetta hafi annars aldrei gerst hérna heima áður - að sigurvegari fegurðarsamkeppni sé sviptur titli. Það hefur oft gerst erlendis, t.d. í Bandaríkjunum þar sem skandalar hafa komið upp. Hér er greinilega dæmt gegn forsendum þess að hann hafi verið sviptur titlinum og aðstandendur keppninnar fá ákvörðunina framan í sig á meðan að sá sem að þau vildu taka titilinn af vinnur fullnaðarsigur.

Fær bætur fyrir að missa fegurðartitil

Athugasemdir

[Ásdís Sigurðardóttir, 31.1.2008 kl. 01:04]

Fegurðin rokkar ekki spurning.

[Fannar frá Rifi, 31.1.2008 kl. 01:18]

Ég er ekki alveg inn í þessu. En var hann ekki einu sigurvegarinn sem var valinn í raun beint af áhorfendum en ekki af dómnefnd?

ef heyrt það frá félaga mínum sem tók þátt í þessu einu sinni að hjá dómnefndinni þá skipti máli hvort þú værir Jón eða séra Jón. Skyldleiki við dómara og aðstandendur keppninar væru ofarlega á blaði sem góðir kostir í þessum keppnum.

En þar sem ég hef aldrei tekið þátt í svona keppni, ekki einu sinni mætt á eina slíka, get ég ekki fullyrt um það hvort þetta sé satt.