Illa skipulagt bankarán með öxi úr BYKO

Eftir því sem heildarmyndin í bankaráninu í Lækjargötu skýrist betur sést hversu það var í raun illa skipulagt og það var komið upp um þá sem rændu bankann á aðeins örfáum klukkustundum. Og nú hefur ránsfengurinn verið endurheimtur og öxin, sem keypt var í BYKO í morgun, fannst skammt frá bankanum. Þannig að málið er upplýst og reyndist ekki mikil ráðgáta.

Það er greinilegt að þeir sem skipulögðu þetta hafa greinilega ekki lagst í bestu bækur eða kvikmyndir um bankarán og hafa eitthvað flaskað á því að gera þetta fagmannlega. Gárungarnir hljóta að gefa þessu ráni bara eina öxi, verðskuldar varla meira. En kannski er löggan svona í og með klár, virðast hafa staðið sig vel en það virðist kannski ekki hafa verið erfitt að rekja slóð þessara manna og rekja svo upp þráð atburðarásarinnar og fá fram heildarmyndina.

Í heildina er þetta eitt þessara mála þar sem greinilega hefur verið farið af stað án þess að hafa vel skipulagt framhald á ráninu. Strax farið að tala um að þetta hafi verið útlendingar, án þess að varla verði séð að það sé aðalatriði málsins. En samt, það er fyrir öllu að peningarnir hafi nást og mennirnir hafi gleymt að horfa á vandaðar bankaránsmyndir og flaskað á skipulagningunni.

Öxin fannst og þýfi endurheimt

Athugasemdir

[Marinó Már Marinósson, 4.2.2008 kl. 15:35]

Eins gott að það var illa skipulagt.

[Stefán Friðrik Stefánsson, 4.2.2008 kl. 15:43]

Svo sannarlega.

[Tiger, 4.2.2008 kl. 18:00]

Alltaf jafn ótrúlegt að heyra af svona lögðuð - átta menn sig ekki á því hve fámenn við erum og að nánast útilokað er að láta svona lagað ganga upp sem hinn fullkomni glæpur?? Það eru alltaf einhverjir brestir einhvers staðar og gersamlega ómögulegt að komast undan réttvísinni gerist menn brotlegir....