Unglingaklíkur slást í Kringlunni

Öll höfum við heyrt af slagsmálum klíkuhópa unglinga erlendis og séð það í kvikmyndum og sjónvarpsþáttum. Þetta er æ meir að verða veruleiki hérna heima og sést einna best með slagsmálum hópanna sem tókust á í Kringlunni í dag. Öryggisverðir þar höfðu nóg að gera við að ráða við þessa hópa.

Það væri gaman að vita hvað sé verið að slást um í þessum hópum. Hver sé drifkrafturinn á bakvið svo harkaleg slagsmál. Það hefur verið svolítið sérstakt að sjá myndir af því þegar að klíkur mætast, oftast nær að kvöldlagi, og berjast og ekki langt síðan að slík slagsmál voru stöðvuð hér við Glerártorg á Akureyri.

Finnst þetta fjarri því góð þróun. Það vekur þó æ meiri athygli þegar að slagsmálin eiga sér stað um hábjartan dag og það í Kringlunni af öllum stöðum. Það væri ágætt að vita hvað hafi verið barist um, hver átökin séu.

Skrílslæti í Kringlunni

Athugasemdir

[Sporðdrekinn, 6.2.2008 kl. 18:51]

Hvar kemur fram að það hafi verið slagsmál?

[Stefán Friðrik Stefánsson, 6.2.2008 kl. 19:14]

Það kemur fram á vísir.is

[Björn (IP-tala skráð) 6.2.2008 kl. 19:25]

jáááááá þetta hefur aldrei gerst á Íslandi áður....

Lærðu aðeins á lífið og athugaðu hvernig heimurinn var þegar þú heldur því 

framm að hann sé eithvað verri í dag. Ég hef nú heyrt góðan slatta af sögum

frá afa þar sem eithverjir gæjar voru í svakalegum hópslagsmálum og hann

er um 70 ára þannig að þetta er ekkert eithvað nýtt, eina sem er nýtt er 

verslunarmiðstöðvar. 

Svo kallaru þig bjartsýnan og jákvæðan í lýsingunni hérna að ofan, aðeins 

of mikið af hræsni fyrir minn smekk. 

[Ásdís Sigurðardóttir, 6.2.2008 kl. 19:59]

Iðjulausir unglingar þvælast í Kringlunni þegar enginn skóli er og ekkert að gera í hverfunum þeirra. Það er dapurt.

[Gísli Baldvinsson (IP-tala skráð) 6.2.2008 kl. 20:02]

Sýnir etv. mikilvægi skólastarfsins.

[Stefán Friðrik Stefánsson, 6.2.2008 kl. 20:04]

Björn: Við skulum alveg sleppa persónulegum formælingum. Ég er nú ekki gamall, er aðeins þrítugur. Man auðvitað eftir slagsmálum á börum og skemmtistöðum þar sem allt fór úr böndunum. En klíkuslagsmál þar sem greinileg ólga er á milli og hörð átök þar sem sumir eru lagðir í einelti og barðir. Það þekki ég ekki og eiginlega finnst mér svo bandarískt módel vera nýtt. Segðu mér frekar hvað var slegist um og hvað var á bakvið þetta frekar en að nöldra í þeim sem eru að skrifa um þessi mál. Það væri heiðarlegra fyrir þig held ég.

Ásdís: Já, það er dapurt. En enn vantar að fá fram hver átökin voru, hvað snerist þetta um. Varla er æska landsins að slást bara til að slást. Það er eitthvað þarna á bakvið.

[Gísli Sigurðsson, 6.2.2008 kl. 22:37]

Man þegar við guttarnir vorum í bardögum milli hverfa í Keflavík. Við vorum þetta 8 - 12 ára vopnaðir lurkum og trésverðum. Í minningunni voru þetta alvöru bardagar en enginn meiddist svo sem, en við tókum fanga og allur pakkinn.

[Sporðdrekinn, 7.2.2008 kl. 02:04]

OK, takk.

[Ásgrímur Hartmannsson, 7.2.2008 kl. 12:30]

Þetta var ekkert.  negin glóðaraugu, engar blóðnasir.  Bara smá hávaði, sem er náttúrlega kvimleiður, en ekkert í lýkingu við alvöru skrílslæti, með blóðnösum og glóðaraugum, og kannski einstaka lausri tönn, eins og var visnælt þegar amma var ung.

Í denn var jafnvel beitt táragasi. 

[Kári Tryggvason, 7.2.2008 kl. 16:14]

Sammála Stefán. Björn ekki hafa þetta persónulegt. Ég man þó eftir því þegar ég var 7 til 10 ára 1967-70 að þá tíðkuðust stundum erjur milli hverfa og var þá slegist í hópum.