Fjöldamorð í Illinois - hið minnsta fjórir látnir

Það er skelfilegt að heyra fréttirnar af fjöldamorðinu í háskólanum í Northern Illinois-háskólanum. Að minnsta kosti fjórir féllu í valinn, en byssumaðurinn svipti sig lífi. Um 20 manns særðust í skotárásinni. Þetta er versta fjöldamorð sem á sér stað í bandarískum skóla frá því að 32 voru myrtir í Virginia Tech-tækniháskólanum í apríl á síðasta ári.

Var að horfa á umfjöllun um þetta á Sky, atburðarásin og staða mála er hægt og rólega að verða ljósari. Þetta eru óneitanlega mjög sjokkerandi tíðindi, þetta er gríðarlegt áfall fyrir bandarískt samfélag, svo skömmu eftir Virginia Tech- og Columbine-fjöldamorðin. Man mjög vel eftir þeirri skelfingu í fyrra og Columbine er ekki síður greipt í minni fólks um allan heim. Þetta er skelfilegur veruleiki í alla staði.

Þetta er mikill sorgardagur vestanhafs og þessi vondu tíðindi skekja samfélagið þar og mun víðar. Ekki eru nema nokkrir mánuðir síðan að þessi napri veruleiki varð staðreynd hér á Norðurlöndunum, er nemandi myrti samnemendur og kennara í Jokela-framhaldsskólanum í Finnlandi. Bowling for Columbine, mynd Michael Moore, í kjölfar skelfingarinnar í Columbine árið 1999 vakti ekki síðri alheimsathygli en voðaverknaðurinn sjálfur og myndin hlaut óskarsverðlaun sem besta heimildarmyndin árið 2003.

Myndin er eftirminnileg flestum sem hana sjá. Það er ógnvænlegt að sjá svona atvik gerast enn eina ferðina. Og enn vakna spurningar um byssueign og hvort ekki sé hægt að reyna að ná tökum á þessum napra veruleika. Það er skelfilegt þegar að venjulegur skóli í friðsælu samfélagi breytist í vettvang blóðbaðs af þessu tagi.

Spurningar vakna í svona stöðu. Oftar en ekki er sagan á bakvið svona harmleik nemendur í eigin heimi, einfarar sem verða eins og tímasprengjur vegna innri sálarkrísu og grípa til vopna og ráðast að þeim sem þeir umgangast einna mest, í skólanum. Það verður áhugavert að heyra söguna bakvið þetta voðaverk.

Fjórir alvarlega særðir

Athugasemdir

[Ásgrímur Hartmannsson, 15.2.2008 kl. 00:51]

Já, ég spyr líka um byssueign kanans.  Hvar voru allar þessar byssur?  Undir rúmi?  Ekki voru þær í vösum þessara námsmanna, það er ljóst.

[Ásdís Sigurðardóttir, 15.2.2008 kl. 01:01]

Alveg sama hversu margir eru látnir eða slasaðir, mér finnst þetta hræðilegt.

[Jónína Dúadóttir, 15.2.2008 kl. 07:48]

Svona er alltaf hræðilegt.

[Gísli Baldvinsson (IP-tala skráð) 15.2.2008 kl. 10:30]

Eftir atburðina í Columbine var gert leikrit sem leikið hefur verið sem forvarnarleikrit í skólum. Þetta er til í islenskri þýðingu og fæst handrit án endurgjalds. Innifalið eru teikningar af leiksviðsbúnaði. Þar sem margir lesa þig Stebbi kem ég þessu hér inn.