Pólverjinn farinn úr landi

Það var varla við öðru að búast en að karlmaðurinn sem grunaður er um að hafa keyrt á fjögurra ára drenginn í Reykjanesbæ myndi fara úr landi um leið og farbannið rynni út. Annars finnst mér að veigamikil mistök hafi verið gerð í málinu þegar að hann var látinn laus úr haldi með úrskurði dómsyfirvalda og gat þar með samræmt framburð sinn við það sem önnur vitni tengd honum höfðu sagt meðan að hann var lokaður inni.

Þar með var skemmt fyrir rannsókn málsins að mínu mati og gert lögreglu enn erfiðara fyrir. Veigamikil sönnunargögn hafa tengt viðkomandi mann við slysstaðinn og eðlilegt að það sé spurt um það hvort það allt geti verið tilviljun. Maðurinn hefur aldrei játað en nokkrar vikur eru síðan að bifreiðin sem maðurinn keyrði var tengd við slysstaðinn með afgerandi sönnunargögnum.

Það er mikilvægt að hið sanna í málinu komi fram og það verði hægt að leysa þessa ráðgátu. Enn verra er ef maðurinn vill ekki játa á sig verknaðinn. Hið minnsta þarf að fá úr því skorið hvort mögulegt er að annar hafi keyrt þessum bíl á þeim tíma er keyrt var á strákinn.

Farinn úr landi

Athugasemdir

[Heidi Strand, 17.2.2008 kl. 17:50]

Það er mjög slæmt og hefur örugglega ekki komið neinum á óvart nema kannski dómsstólanna. Ég óttast að þetta mál verður aldrei upplyst.

[Jon Mag (IP-tala skráð) 17.2.2008 kl. 18:26]

Blasir ekki við að lögreglan hafði ekkert í höndunum sem tengdi manninn við málið fyrst ekki fékkst lengra farbann á manninn ? Og þar með gengur sá seki enn laus og er líklegast íslendingur.Ég trúi  því ekki að dómarar hefðu hafnað farbanni á manninn ef lögreglan hefði haft  í höndunum eitthvað sem sannaði sekt hans.Bíll í hans umráði er nóg ef SANNAÐ er að bíllinn kom við sögu.

[Sigurður Þórðarson, 17.2.2008 kl. 18:43]

Þetta er óþolandi!!!

Ég veit ekki hvernig það er á Akureyri en hérna í bænum vaða uppi erlend þjófagengi sem ógna starfsfólki stórmarkaða til að það hvorki stöðvi verknaðinn né kalli til lögreglu.  Ég vil taka það fram að gefnu tilefni að ekki er um Pólverja að ræða.

[Stefán Friðrik Stefánsson, 17.2.2008 kl. 18:45]

Þakka kommentin og hugleiðingarnar.

Siggi: Er þetta ekki Pólverji. Það fullyrða fjölmiðlar allavega, sá það á vísir.is. Ef það er rangt er undarlegt að fjölmiðlar geri það að umfjöllunarefni.

[Ásdís Sigurðardóttir, 17.2.2008 kl. 20:16]

Hvernig tengist pólverjinn Sjálfstæðsflokknum ???

[Alfreð Guðmundsson (IP-tala skráð) 17.2.2008 kl. 20:54]

Þetta er pólverji sem er grunaður um að hafa keyrt á barnið.

Það merkilega er, að lífsýni og trefjar og annað fundust á bifreiðinni, en vegna þess að ríkið sendir allt til Noregs til greiningar í þeim efnum, þá tekur það um 2-4 vikur að fá niðurstöðu. Merkilegt þar sem að í svona málum gildir að hraða málum og oft hefur þurft minna til að setja manneskju í gæsluvarðhald.

Maður eðlilega spyr sig, af hverju er engin látin sæta ábyrgð á þessum hlutum hér á landi og af herju er ekkert innra eftirlit með rannsóknum lögreglu annarsvegar og hins vegar með dómstólum? Þetta er farið að vera undarlegt, sérstaklega ef að fórnarkostnaðurinn er líf 4 ára barns, það er óásættanlegt!

[Halla Rut , 17.2.2008 kl. 21:06]

Jú það er Pólverji sem hér liggur undir grun en þeir geta ekki sannað að hann hafi verið að keyra. Einhver hér lætur það liggja fyrir að einhver Sjálfstæðismaður sé honum hliðhollur og annar að um Íslending sé að ræða.

Hvort sem er þá skil ég vel að maðurinn skuli fara heim til sín, hvað mundir þú gera? 

[Stefán Friðrik Stefánsson, 17.2.2008 kl. 21:13]

Þrymur: Vissulega.

Ásdís: Góður punktur. Tryggvi, segðu meira.

Alfreð: Sammála hverju orði. Dapurlegt hvernig hefur verið haldið á þessu máli. Mikil mistök. Þetta mál er í alla staði mikill harmleikur.

[Tiger, 17.2.2008 kl. 21:18]

Ég gruna að "sigurður" hafi verið að meina að það væru ekki pólverjar sem færu ruplandi hendi um höfuðborgarsvæðið... að pólverjar væru ekki þessi þjófagengi.

En já, ég er svo mikið hissa á því hvernig í ósköpunum þessir menn sem hugsanlega eru valdir að hinum ýmsu ljótu verkum - glæpamenn - fái bara að ulla á okkur og hlaupa burt frá land og ulla á okkur. Skil ekki dómsvaldið!

Var einmitt að blogga fyrr í dag um þetta "hérna" (opnast í nýjum glugga).

[Sigurður Þórðarson, 17.2.2008 kl. 22:08]

Stefán það var Pólverji sem fór utan. Rétt skilið hjá Tigercopper, þjófagengin sem fara með skipulegum hætti í stórmarkaði eru ekki mönnuð Pólverjum, eftir því sem ég veit best. Þeir fara í stórmarkaði á þeim tímum sem þeir eru undirmannaðir og öryggisverðir eru ekki til staðar og hafa í hótunum.  Starfsfólkið, (oft konur á miðjum aldri og unglingar), veit af þessu en er hjálparvana en skoðar ósköpin í myndavélum eftir að gengin eru farin út og telur hve tapið er mikið eftir hverja ránsferð. Þessi þjófagengi ganga undir nafninu "Lithárnir" meðal starfsfólksins  sem er verulega hrætt við þá, annars veit ég ekkert um uppruna þeirra annað en að þeir tala bjagaða ensku.