Bílslys og myndbirtingar

Það er dapurlegt að heyra af enn einu bílslysinu, nú á Akranesi. Það sem mér finnst jafnan einna sorglegast við fréttir af svo dapurlegum slysum er að sjá sjálfan vettvang slyssins í fjölmiðlum; myndir af bílflökum og aðrar þær sorglegu aðstæður sem þar jafnan birtast. Myndbirtingar af vettvangi umferðarslyss þjónar mjög litlum tilgangi, hef aldrei talið það skipta miklu máli að sýna bílflökin. Kannski er það ábending til annarra að svona geti farið í umferðinni, en fyrir þá sem tengjast þeim sem slasast eða láta lífið í umferðarslysi er þetta særandi myndræn umgjörð um mikinn harmleik.

Veit ekki hvort það er einhver algild regla hjá fjölmiðlum í þessum efnum. Sumir fjölmiðlar eru þó meira áberandi í þessu en aðrir eflaust. Hef séð hjá þeim sumum að þeir birta aðeins staðsetningu slyssins á korti. Það er ágætis nálgun á það finnst mér. Þar sem ég hef sjálfur lent í bílslysi finnst mér alltaf mjög stingandi að sjá aðstæður annarra slysa, enda getur aðkoma að svona slysum verið virkilega sjokkerandi og vandséð hvaða erindi þær fréttamyndir eigi í fjölmiðla.

Alvarlegt bílslys á Akranesi

Athugasemdir

[Ívar Gunnarsson, 18.2.2008 kl. 19:16]

Já, það er greinilegur munur milli fjölmiðla þegar myndbirting er annars vegar. Ég hef tekið eftir að Morgunblaðið sem og önnur dagblöð, ásamt sjónvarpsstöðvunum virðast mun frakkari við þetta en t.d. Bylgjan, eða aðrar einkareknar útvarpsstöðvar.

[Einar (IP-tala skráð) 18.2.2008 kl. 19:28]

Ekki græt ég það ef þessir strákar verði lamaðir eftir þetta slys, þá eru það 2 hálvitum færri í umferðinni.

Við þessa götu búa börn sem hefðu hæglega geta lent í þessum hálvitum, og ég vona að þetta sé viss lexía fyrir hina heiladauðu sem keyra of hratt til að sýnast vera eitthvað cool fyrir vinum sínum.

[Hafsteinn Viðar Ásgeirsson, 18.2.2008 kl. 19:41]

Hjartanlega sammála þessu. Hef sjálfur orðið fyrir svona uppákomu varðandi slys sem ég var aðili að, hvar moggi kom með mynd af hryllingnum síðdegis sama dag í sunnudagsblaðinu og höfðu ekki fyrir að afmá númer bílsins hvað þá meir. Margir fengu fréttir af slysinu þarna, áður en tækist að ná til allra. Helvítis aular.

[Kristján Sigurður Kristjánsson, 18.2.2008 kl. 19:44]

Eru þeir látnir??

[Svana (IP-tala skráð) 18.2.2008 kl. 20:11]

;"Kannski er það ábending til annarra að svona geti farið í umferðinni, en fyrir þá sem tengjast hinum látnu er þetta særandi myndræn umgjörð um mikinn harmleik"

Fyrirgefðu, en hver er eiginlega látinn sem tengist þessu slysi?... Annar drengurinn er á batavegi og hinn liggur mjög þungt haldinn enþá á gjörgæslu en honum er haldið sofandi, en enginn er látinn. Ekki sniðugt að láta svona útúr sér á bloggfærslu sem ekki er vitað betur um greynilega.

[Ársæll (IP-tala skráð) 18.2.2008 kl. 20:41]

Einar: Ég vona að þú missir báðar hendurnar, þá er einum hálfvita færra að skrifa á internetinu. Þú átt þér hobbí er það ekki? Kannski golf eða bridds? Það hobbí geturu stundað útum allt land, allstaðar. Hvar eigum við bílaáhugamenn að stunda okkar? Ég er ekki að réttlæta hraðakstur í íbúðarhverfum eða neinsstaðar. Að kalla okkur heiladauða segir ýmislegt um þig Einar. Ert þú að reyna að "vera cool" fyrir framan vini þína á internetinu?

pís

Ársæll Rafn Erlingsson, mótorsportáhugamaður.

[Haraldur Haraldsson, 18.2.2008 kl. 20:44]

Engin mælir með hraðakstri umfram leyfilegum hraða/En ágát skal höfð i nærveru sálar/Halli gamli

[Anna Ólafsdóttir (anno) (IP-tala skráð) 18.2.2008 kl. 22:43]

Stefán: Af hverju talarðu um "hina látnu" í þessu sambandi? Drengirnir eru báðir á lífi, annar virðist hafa sloppið betur en á horfðist í fyrstu, hinn er meira slasaður en ég hnaut um þetta orðalag hjá þér. Þó að ég vita að þú sért að tala um þetta með almennum hætti þá ertu að tala um myndbirtingar af bílflökum almennt er það ekki, ekki bara banaslys?

[Stefán Friðrik Stefánsson, 18.2.2008 kl. 22:55]

Takk kærlega fyrir kommentin.

Er að tala um þetta af almennum hætti, en þetta er enn verra þegar að einhver lætur lífið í slysum. Þá er sársaukinn enn meiri og enn algengara að ólga sé meðal þeirra sem eftir eru. En heilt yfir finnst mér það ekki skipta máli hvort að það sé, ég sé ekki fréttaígildi svona mynda og það er alltaf stuðandi fyrir aðstandendur að sjá svona myndir í fjölmiðlum. Þó að ekki sé banaslys er oft fjallað um að líðan viðkomandi sé eftir atvikum góð eða þannig orðalag, oftast nær eru meiðslin mikil og langt ferli sem tekur við. Það tekur á alla hlutaðeigandi. Þetta er allavega mín heiðarlega skoðun.

Finnst innlegg þitt Einar ekki geðslegt. En þetta er þín skoðun. En ég óska engum þess að láta lífið eða meiðast alvarlega í slysum og við eigum að forðast svoleiðis tal.

mbk.

[Stefán Friðrik Stefánsson, 18.2.2008 kl. 23:01]

Þar sem nokkrir aðilar misskildu orðalagið í lok fyrri málsgreinar ákvað ég að breyta því aðeins. Var að tala um verstu tilfellin af þessu tagi en í samhengi þeirrar fréttar sem um er að ræða og vitnað er til í dag er það óheppilegt og getur valdið misskilningi. Annars tel ég að allir hafi skilið svosem hvað ég meinti, eða vona það allavega.

mbk.

[Bjarki Hilmarsson (IP-tala skráð) 19.2.2008 kl. 00:25]

Mér finnst myndbirting eins og kom í þessari frétt svosem allt í lagi.  Þarna er ekki hægt að sjá bílnúmer eða neitt slíkt.  Myndin hjálpar manni að átta sig á því hversu gríðarlegt höggið hefur verið, því það þarf mjög mikið til að bílar fari svona illa.   Vona bara innilega að þeir nái fullum bata og læri af reynslunni, þekki til manna sem hafa lent í alvarlegum bílslysum sem farþegar og ökumenn og sem betur fer lærðu þeir á því. 

Þetta slys og myndbandið sem sýnt var í Íslandi í dag í kvöld staðfesta það sem lengi hefur legið ljóst fyrir að það þarf að hafa akstursbraut svo menn geti fengið útrás fyrir þetta áhugamál.