Venlige hilsen í Crawford - blaðamanni hótað

Það er ekki hægt að segja annað en Anders Fogh Rasmussen, forsætisráðherra Danmerkur, og eiginkona hans fái vinalegar móttökur hjá Bush-hjónunum í Crawford í Texas. Þetta hljóta að teljast höfðinglegustu móttökur sem norrænn þjóðarleiðtogi hefur fengið í Bandaríkjunum svo lengi sem elstu menn muna. Með þessu er greinilega Bush forseti að launa danska forsætisráðherranum stuðninginn í Íraksstríðinu og eftirmála þess.

Á sömu stund er dönskum blaðamanni hótað af konu á svæðinu, horfir í byssuhlaupið hjá henni. Það vantar ekki andstæðurnar. Eflaust verður rætt í kjölfarið um byssueign Bandaríkjamanna en það verður ekki annað sagt en að suddalegur fjöldi skotvopna sé þar og hefur mikið verið fjallað um það. En það er ábyggilega frekar nöturlegt að vera blaðamaður af rólegu svæði og lenda í svona menningu sem blómstrar í suðurríkjum Bandaríkjanna.

En það er merkilegt að sjá notalegar móttökur. Það er greinilegt að sá danski er mikils metinn hjá bandaríska forsetanum.

Dönskum blaðamanni ógnað í Texas

Athugasemdir

[Sigurður Þórðarson, 2.3.2008 kl. 19:31]

Maður skilur ekki alveg yfir hverju þeir eru að gleðjast í sambandi við ástandið í Írak. Líklegt má telja að næsti forseti bindi enda á þessa vitleysu.

[Sigmundur (IP-tala skráð) 2.3.2008 kl. 22:26]

Ég fæ hvergi séð á neinum fréttum að honum hafi verið hótað.... hvað þá horft inn í hlaupið. Raunar segir hann þannig frá sjálfur á t.a.m. berlinske.dk og cnn.com að hann hafi ekki orðið var við byssuna. Hann hafi hinsvegar hypjað sig þegar sú gamla hækkaði röddina. Kollegi hans náði hinsvegar mynd af henni með byssuna. En sagan er ekki eins góð þannig.