Hrottalegur verknaður

Það er skelfilegt að heyra af hinni hrottalegu nauðgun í vesturbæ Reykjavíkur um helgina. Nauðgun er eitt af því ógeðslegasta sem til er, ógeðfelldur glæpur sem setur mark sitt á sálu þeirra sem fyrir verða um aldur og ævi. Það sem mér finnst mest sláandi við stöðu þessara mála er að vel á annað hundrað nauðgunarmál hafa borist neyðarmóttöku nauðgana á síðasta ári. Það er ótrúlega há tala og fær alla til að hugleiða þessi mál frá grunni.

Þetta er óeðlilega hátt hlutfall grimmdarverknaðar af þessu tagi, altént í því samfélagi sem við flest viljum lifa í. Það verður að berjast gegn þessu með öllum tiltækum hætti. Það er aldrei barist nógu mikið gegn svona ógeði.

Fimm grunaðir um að hafa nauðgað stúlku

Athugasemdir

[Jóna Á. Gísladóttir, 11.3.2008 kl. 00:11]

hvar í fjandanum makka svona ''karlmenni'' sig saman? Á hvaða tímapunkti í vináttunni er það sem vinahópurinn ákveður að eyða kvöldstund á þennan hátt? Planað og plottað níðingsverk. Einlægur brotavilji með nákvæmlega enga samúð með fórnarlambi sinu. Algjör villidýr. Gjörsamlega gjörsneydd öllum mannlegum tilfinningum.

Ég ætla rétt að vona að við öll fylgjumst með þessu máli og látum í okkur heyra svo um munar ef dómurinn verður jafn fáránlegur og aðrir ofbeldisdómar hafa verið.

[Stefán (IP-tala skráð) 11.3.2008 kl. 12:05]

Það kom fram á einhverjum fjölmiðli í gær að þarna hefði verið um innflytjendur að ræða, sé það rétt þá er þetta ein af mörgum skipulögðum nauðgunum innflytjenda hér á landi að ræða.