Evrópsk framtíðarsýn - ESB kosningamál 2011?

Það er eðlilegt að landsmenn allir, þ.m.t. Sigurður Einarsson, hafi skoðanir á því hvort taka eigi upp annan gjaldmiðil. Hinsvegar finnst mér blasa við að ekki verði tekin upp ný mynt eða haldið í Evrópuátt á þessu kjörtímabili. Það þarf ekki nema að líta á stjórnarsáttmála Sjálfstæðisflokks og Samfylkingar til ársins 2011 til að sjá að aðild að ESB er ekki á dagskrá þessarar ríkisstjórnar. Það má vel vera að Evrópumálin verði kosningamál árið 2011, líklegt eins og horfir nú altént, en það er þó engan veginn öruggt, þrátt fyrir allt.

Hinsvegar væri vissulega heiðarlegt að taka Evrópuumræðu í kosningabaráttu næst. Því ekki? Það er þó vissulega mjög merkileg staðreynd að enginn flokkur hefur gert Evrópumálin að alvöru kosningamáli í alþingiskosningum á þessum áratug. Samfylkingin setti málið á oddinn í aðdraganda kosninga 2003 en skipti um plötu fyrir kosningar þegar að sást vel að ekki var stemmning fyrir boðskapnum. Sama gerðist í kosningunum í fyrra, eins og allir vita. Það var engin stemmning fyrir Evrópuumræðu. Allt annað var þá á oddinum.

Ég tel allar hugleiðingar um þetta mál góðar í sjálfu sér. Við eigum alltaf að taka stöðuna á því sem er að gerast í heiminum, fjarstæðukennt að loka einhverjum dyrum vegna þess að eitthvað megi ekki ræða. En það er innan við ár síðan að mynduð var ríkisstjórn sem kortlagði þessi mál á kjörtímabilinu. Það virðist ekki vera einhugur um það innan þessarar stjórnar að horfa eindregið í Evrópuátt og við það situr í augnablikinu.

Þrátt fyrir allar eðlilegar pælingar er staðan því nokkuð ljós. En umræðu getur enginn stöðvað fái hún byr. Það má vera að Evrópuumræðan fái byr, en eftir stendur að ekki er þingmeirihluti fyrir því að ganga í Evrópusambandið eða halda í þá átt, eða ég sé hann ekki blasa við altént. Hvað svo sem síðar verður.

Nýr gjaldmiðill innan 3 ára?

Athugasemdir

[B.N. (IP-tala skráð) 12.3.2008 kl. 00:05]

Horfi björtum augum sem launþegi til evrunnar. Það var sagt frá því í fréttum hjá ruv-sjónvarpi fyrir örstuttu að erlendir gestir við blaðburð væru hlunnfarnir í launum. Og ef ég skildi rétt bæri þeim að fá fyrir 30 stunda vinnuviku sem er lágmark 180 þúsund íslenskar krónur á mánuði. Almennur launþegi á Íslandi gæti trúlega tvöfaldað grunnlaun sín með blaðaútburði í Danmörku. Af ofsögðu lít ég björtum augum til þeirra launahækkanna fyrir hönd almenns launþega þegar launakjörinn verða samræmd við upptöku evru, eða hvað?

Baldvin Nielsen, Reykjanesbæ

Baldvin Nielsen, Reykjanesbæ 

[Haraldur Haraldsson, 12.3.2008 kl. 06:15]

Eg verð að vera þarna sammála Stefán,þetta verður ekkert á dagskrá fyrr en í kosningum 2011 og það getur margt breyst þangað til,þó að ur verði ,heldur ekki endilega að alltaf að tala um evru það eru fleiri kostir i stöðunni/allavega verður þetta á dagskrá næstu kostningar,og að er þörf umræða/ESB er ekki allt/Halli gamli

[Gísli Baldvinsson (IP-tala skráð) 12.3.2008 kl. 09:29]

Ég held líka Stefán að það eigi að nýta tímann fram að kosningum að upplýsa fólk, um kosti og galla. En... þá verður að setja málið á dagskrá! Ég bind miklar vonir við evrópuvaktina.