Sorgarsaga í Kaupmannahöfn

Morðið á sextán ára blaðburðardrengnum í Kaupmannahöfn er sorgarsaga hin mesta og er dæmi um mikla mannvonsku. Það er sorglegt ef að þessi drengur var myrtur fyrir það eitt að vera innflytjandi og er sorglegur vitnisburður um það hatur sem er í þessum málum, gegn fólki sem ekkert hefur sér til sakar unnið. Þetta er grimmdarlegt morð, fátt er sorglegra en að ráðist sé á börn og unglinga sem hafa ekkert sér til sakar unnið.

Það hefur verið áhugavert að lesa dönsku fréttavefina eftir að þessi árás átti sér stað og einkum í dag, nú þegar að drengurinn er látinn. Það eru miklar tilfinningar í svona máli og ekki hægt annað en að hafa samúð með fjölskyldunni sem er í sárum í kjölfar svo skelfilegs verknaðar.

Það er nauðsynlegt að tala gegn svona mannvonsku. Þar sem að þetta gerist í Danmörku er ekki hægt annað en að hugsa sérstaklega um málið, því að þetta er svo nærri okkur en er samt svo óraunverulegt.

Það er full ástæða til að hugleiða mál af þessu tagi og vona í leiðinni að aldrei neitt þessu líkt gerist hér á Íslandi.

Blaðburðardrengur myrtur í Kaupmannahöfn

Athugasemdir

[Stefán Friðrik Stefánsson, 21.3.2008 kl. 19:28]

Það vantar alveg ástæðu á bak við þetta. Þetta er mjög hrottalegur verknaður og ég trúi því varla að ekkert hafi þar búið að baki. Það verður þá bara að ráðast. Auðvitað vona ég ekki að þetta sé vegna haturs á innflytjendum eða ólga innbyrðis milli innflytjenda sem er þarna að baki. Það eru allavega spurningar í þessu máli sem verður að svara.