Táknræn mótmæli atvinnubílstjóra

Mér finnst mótmæli atvinnubílstjóra gegn háu eldsneytisverði táknræn. Það er eðlilegt að þeir bregðist einhvern veginn við þróun á eldsneytisverði þar sem bensínlítrinn stefnir í að verða 200 krónur á næstu vikum. Þetta eru skilaboð sem vekja athygli, enda finna allir fyrir hækkandi eldsneytisverði.

Þessum skilaboðum er ekki aðeins beint að olíufélögunum heldur stjórnvöldum. Mörgum hefur blöskrað aðgerðaleysi þeirra að undanförnu. Sofandagangurinn hefur virst algjör hjá þessari sterku ríkisstjórn í þingmannafjölda, sem virðist ekki hafa sterkar lausnir þegar að kemur að stóru málunum. Í eldsneytismálunum er eðlilega spurt um hvað stjórnvöld ætli sér að gera.

Sérstaklega finnst mér sofandagangur fjölmiðla áberandi hvað varðar að fá álit Kristjáns Möllers, samgönguráðherra, á eldsneytisálögum. Sem stjórnarandstæðingi á sínum tíma blöskraði hann þegar að bensínlítrinn var í tæpum 123 krónum og díselolía í 120 krónum og kallaði þá eftir því um öll torg að fjármálaráðherra ætti að lækka álögur á eldsneyti. Sagði reyndar að ráðherrann ætti að gera eitthvað til að verða ekki uppnefndur skattpíningarráðherrann. Hver er skoðun sama manns nú?

Skil vel mótmæli atvinnubílstjóra. Þetta er hjartans mál fyrir landsmenn alla og eðlilega lætur fólk í sér heyra. Það er samt ekkert sem bendir til að bjart sé framundan og því spurt um hvað stjórnvöld ætli sér að gera.

Bílstjórar hætta aðgerðum

Athugasemdir

[SP (IP-tala skráð) 27.3.2008 kl. 17:06]

Hvernig getur það að loka götu og stífla umferð í hálftíma verið "táknræn" aðgerð, nafni?

Það er þvert á móti eins bein aðgerð og hugsast getur. Ekki verri fyrir það - en táknræn er hún ekki.

[Kolbrún Baldursdóttir, 27.3.2008 kl. 19:48]

Já Stebbi, ég get svo vel tekið undir þetta með þér, en á hverjum bitna svona mótmæli mest?
Það eru jú þeir sem þarna eru staddir á þessari stundu og komast hvergi. Þeir sem síst skyldi. Svona tegund af mótmælum hafa oft verið við líði í Frakklandi og stöðvað umferð svo tímum skiptir. Ég finn alltaf til með þeim sem verða fyrir töfinni kannski að því að ég sjálf er alltaf að flýta mér.

En hver er ekki að flýta sér nú til dags?
Kannski geta bílstjórarnir og við öll mótmælt þessu ástandi með einhverjum öðrum hætti???

Þetta er líka ekki bara málefni þeirra heldur okkar allra en mótmælin eiga ekki að bitna á þeim sem hafa e.t.v. minnst með þetta ástand að gera. 

[Gísli Baldvinsson (IP-tala skráð) 27.3.2008 kl. 19:55]

Gæti verið  að mest talaðasti maður dagsins (ekki á þínu bloggi) sjálfur fjármálaráðherra sé bremsuborði samgönguráðherra. Þú mátt giska, ég veit það.  

[Stefán Friðrik Stefánsson, 27.3.2008 kl. 19:55]

Takk fyrir kommentin.

SP: Jú, sjáðu til nafni. Þetta eru táknræn mótmæli í þeim skilningi að vekja stjórnvöld til lífsins og vekja máls á deiluefni í samfélaginu. Um leið voru mótmælin afgerandi skilaboð í þá veru að þetta verði gert aftur og þá jafnvel oft og án þess að tilkynna neitt um það. Þetta voru mótmæli sem ekki hafði verið kynnt um og komu því flestum að óvörum. Er svosem ekki að tala fyrir því að þetta verði gert á hverjum degi en ég skil af hverju atvinnubílstjórar grípa til þessara ráða og finnst þeir vera að senda táknræn skilaboð með beinum hætti vissulega með þessum mótmælum.

Einar: Takk fyrir gott komment. Alveg sammála þessu. Þetta er vond þróun og sérstaklega undarlegt að sjá ráðherra koðna niður við það eitt að fá völd.

Kolbrún: Í grunninn er ég sammála bílstjórunum. En svona mótmæli eru tvíeggjað sverð; kalla á samstöðu kannski fyrst en stuða svo. Til dæmis tel ég að margir hafi tekið undir boðskapinn í dag. En það má kannski öllu ofgera. Þarna var verið að senda viss táknræn skilaboð og verið að vera við frekari mótmælum. En það verður áhugavert að sjá hvað stjórnvöld gera ef þetta verður daglegur viðburður á götum borgarinnar. En ég tek undir margt í þínu kommenti. Það er engin óskastaða að svona mótmæli fari fram en ég skil málstað þessara bílstjóra.

mbk.

[Stefán Friðrik Stefánsson, 27.3.2008 kl. 19:57]

Það má vel vera Gísli minn að ástæðan sé Árni Mathiesen en málfrelsi samgönguráðherrans hefur ekki verið skert að því er ég best veit. Hann sem samgönguráðherra getur alveg sagt sínar skoðanir. En kannski hafa þeir samið um að vera ekki að ræða þetta mál opinberlega.

mbk.

[Jón Ingi Cæsarsson, 27.3.2008 kl. 20:07]

Aðeins til fróðleiks Stebbi. Fjármálaráðherra leggur á skatta en ekki samgönguráðherra.... þannig að titillinn lendir annarstaðar en hjá KLM

[Stefán Friðrik Stefánsson, 27.3.2008 kl. 20:09]

Það vita það allir að fjármálaráðherra leggur á skatta. En það skýrir alls ekki þögn Kristjáns Möllers í þessu máli nú og af hverju hann talar ekki fyrir því sem hann gerði fyrir síðustu alþingiskosningar.

[Jón Ingi Cæsarsson, 27.3.2008 kl. 20:43]

Stebbi...tókstu ekki eftir að í kvöldfréttum Stöðvar 2 var sagt frá að nefnd um eldsneytisverð var að skila tillögum til ríkisstjórnar... má ekki reikna með að í framhaldi af því tjái sig sá er ber ábyrgð á störfum hennar ... forstætisráðherra Geir Haarde upplýsi hvaða tillögur komu frá henni. ??? eða hvað.

[haha (IP-tala skráð) 28.3.2008 kl. 09:00]

Ég spyr ef ríkið lækkar sínar álögur á eldsneytið, hvað njóum við þess
lengi?

Hvað vikrkaði matarskattslækkunin lengi? Tæpt ár! Þá voru heildsalar og
smásalar búnir að STELA henni af okkur!