Kaupþing sver af sér að veikja krónuna

Yfirlýsing Kaupþings, þar sem bankinn sver af sér að vera að veikja íslensku krónuna, er mjög merkileg í sjálfu sér. Sögusagnir um hvort og þá hverjir séu að veikja krónuna hafa vakið athygli eftir eldmessu Davíðs Oddssonar, seðlabankastjóra, á ársfundi bankans fyrir helgina.

Þá sem fyrr talaði Davíð í fyrirsögnum og var ekki beint að spara stóru orðin - talaði meira að segja um að skipa rannsóknarnefnd til að finna út hið sanna í málinu - hver stæði að þessum glæp í hans augum. Eflaust er mikilvægt að rekja hvort að einhver og þá hver veiki krónuna með ráðnum hug. Það er sjálfsagt að taka þá umræðu.

Kaupþing virðist ekki vilja sitja þegjandi undir slíku. En mér finnst samt þessi yfirlýsing frekar sérstök, kannski svarar þetta grunsemdum einhverra en fær aðra til að hugsa meira um þær. Það vill vissulega enginn fá þann stimpil á sig að vera að veikja gjaldmiðilinn, það er ekki gott vörumerki á næstunni eða pr-vænt að neinu leyti. Mér finnst eðlilegt hjá Davíð að tala um þetta og því ekki, ekkert að því að seðlabankastjórar tali mannamál í tyllidagaræðum.

Grunsemdir um að einhverjir aðilar séu að leika sér með gjaldmiðilinn eru slæmar. Ekkert að því að fá úr því skorið. Það er eðlilegt að sú umræða fari fram og mér finnst Davíð gera gott að tala mannamál í þessum efnum en ekkert hálfkák. Það ætti ekki að vera vandamál fyrir bankana að taka þessa umræðu hafi þeir ekkert að fela.

Ef það er rétt að íslensku bankarnir séu að leika sér að krónunni í takt við þennan orðróm er það auðvitað til skammar. Því er gott að Kaupþing sendi út frá sér afgerandi yfirlýsingu, sem vonandi er rétt.

Kaupþing vísar orðrómi á bug

Athugasemdir

[Fannar frá Rifi, 31.3.2008 kl. 07:54]

svona svo maður spyrji bara sakleysislega. Voru það ekki þeir sem hafa talað um að skipta út krónunni? ef þeir vilja skipta um gjaldmiðil hafa þeir þá kannski hag af því að tala hann niður þangað til hann er beintengdur evrunni?

[Púkinn, 31.3.2008 kl. 09:56]

Að mati Púkans var fall krónunnar ekkert annað en leiðrétting að "eðlilegu" gengi.  Hið háa gengi hennar undanfarið var ekkert annað en spilaborg, sem hlaut að hrynja.   Gengið er einfaldlega "eðlilegt" núna - nokkuð sem menn verða að sætta sig við.  Fallið var að vísu sneggra en Púkinn bjóst við, og kom væntanlega til af tímabundinni, almennri áhættufælni fjárfesta - það þurfti enga sérstaka atlögu til.

[Bimbó (IP-tala skráð) 31.3.2008 kl. 10:03]

Hér er á ferðinni ''Hvitflibbahryðjuverk'' Við getum prísað okkur sæla að eiga svona sterkan Seðlabanka sem hefur á að skipa þrem seðlabankastjórum meðan aðrar stórþjóðir eru bara með einn,,Sem kemur sér vel á svona tímum,,Þannig getur einn bankastjóri fylgst með ástandinu,,meðan annar bíður átekta og sér hvernig framvindur,,og sá þriðji samið sverar fyrirsagna skreyttar ræður,, Hvað eru við svo að kvarta ,,Til hvers að eyða fjármunum í rannsóknir,,Verði einhver fundinn sekur breytir það engu,,því fangelsin eru yfirfull,,