Formleg tilnefning Halldórs Ásgrímssonar

Fram kom í kvöldfréttum ljósvakamiðlanna það sem ég sagði hér fyrr í dag að Halldór Ásgrímsson, fyrrum forsætisráðherra og formaður Framsóknarflokksins, muni verða tilnefndur af Íslands hálfu sem framkvæmdastjóraefni í Norrænu ráðherranefndinni. Í fyrrnefndum skrifum mínum fór ég yfir víðtæka stjórnmálareynslu Halldórs, sem var ráðherra samfellt í tæpa tvo áratugi, flokksleiðtogi í rúman áratug og þingmaður í þrjá áratugi, áhrifamaður í íslenskum stjórnmálum.

Það er mjög eðlilegt að íslensk stjórnvöld tilnefni fyrrum forsætisráðherra til þessa embættis og ég vona að Halldór fái hnossið eftir langan stjórnmálaferil sinn og víðtæka reynslu á mörgum sviðum. Það verður styrkleiki fyrir okkur að fá Íslending til starfans.

Lagt til að Halldór Ásgrímsson verði næsti framkvæmdastjóri Norrænu ráðherranefndarinnar

Athugasemdir

[Sveinn Arnarsson, 25.10.2006 kl. 03:30]

Þetta er allt spurning um bitlinga herra Stefán, allt um bitlinga

[Stefán Friðrik Stefánsson, 25.10.2006 kl. 10:47]

Halldór er mjög reyndur stjórnmálamaður. Mér finnst það ekki óeðlilegt að við Íslendingar tilnefnum mann með víðtæka reynslu og þekkingu til svona starfa, enda hefur Íslendingur aldrei gegnt svona embætti. Þ.e.a.s. ef við viljum fá okkar fulltrúa í verkið. Allavega ég vona að Halldór fái þetta embætti.