Fríblöð ekki móðins í Danmörku?

Merkilegt að sjá þessa Moggafrétt um fríblöðin í kóngsins Köben. Virðast ekki falla í kramið þessi fríblöð, enda nokkuð pappírsflóð vissulega sem fylgir þrem fríblöðum. Ekki beint móðins þessar vikurnar. Ég verð að viðurkenna að mér finnst ágætt að fá Fréttablaðið hér heima í lúguna og lesa, en pappírsflóðið sem fylgir er vissulega nokkuð mikið. Flestum þykir það fínn fórnarkostnaður að þurfa að henda meiru í ruslið en ég skil Danina nokkuð vel miðað við stöðu mála. Það verður gaman að sjá hvernig þessi tilraun íslenskra bissness-manna með Nyhedsavisen mun ganga er á hólminn kemur.

Mikill fjöldi Kaupmannahafnarbúa vill ekki fá fríblöð í sín hús

Athugasemdir

[Sigrún Sæmundsdóttir, 26.10.2006 kl. 22:45]

Ég var að koma frá Danmörk í gær og gisti á stúdentagarði þar sem nokkuð margar íbúðir eru. Nyhedsavisen lá þarna niðri í andyri svo að ég skoðaði það og að mínu mati var það ágætt. En ég heyrði að það væri ekki vinsælt að fá öll þessi blöð.