Enn mótmæla bílstjórar - ummæli ráðherrans

Enginn bilbugur virðist vera á atvinnubílstjórum. Mótmælin á Selfossi sýna vel hversu samhentir bílstjórar eru, ekki bara á höfuðborgarsvæðinu heldur um allt land. Fannst ummæli Kristjáns Möllers í dag reyndar vera merkileg er hann sagði að eldsneytisverðið væri árás á þjóðina - tók þar með undir með bílstjórunum. Segiði svo að stjórnvöld ætli ekki að taka undir með bílstjórunum.

Þrátt fyrir það virðist vera að framundan sé önnur eins mótmælavika og þessi sem er að verða búin. Er einn þeirra sem hef velt fyrir mér hvort þessi mótmæli muni skila árangri, skil boðskap bílstjóranna og hef fulla samúð með þeim, en tel að langvinn mótmæli geti kannski skaðað málstaðinn. Tel þó að það velti allt á því hversu langvinn þau verða.

Ráðherrann var allavega maður dagsins með ummælum sínum. Eitthvað voru bílstjórar þó ósáttir bílstjórarnir með kaffifundinn hjá þessum mikla stuðningsmanni sínum þegar að rætt var um hvíldarálagið síðdegis. Kannski eru þau ummæli bara í orði en ekki í verki. Einhver hefði kallað þetta pópúlisma.

Bílstjórar mótmæltu á Selfossi

Athugasemdir

[Eyjólfur Sturlaugsson, 4.4.2008 kl. 19:47]

Ég held að allur almenningur vilji gjarnan fá lækkaðar álögur á bensín, hinnsvegar held ég líka að flestir skilji að það er í raun ekki lausn til framtíðar.  Olían er nefnilega að verða búin.

[Jón Ingi Cæsarsson, 4.4.2008 kl. 19:54]

Ekki eru allir bílstjórar samstíga....kollegar þeirra á Austurlandi ætla ekki að taka þátt í þessum aðgerðum samkvæmt yfirlýsingu talsmanns þeirra. Þeir segjast ætla að nota mjúku leiðina.

[Gísli Baldvinsson (IP-tala skráð) 4.4.2008 kl. 20:15]

Ég ætla að nota mér rittækni Árna Mathisen: Mér finnst tónninn í pislum þínum vera þannig að ætla má að þú sért á móti stjórnarathöfnum samgönguráðherra, yfirleitt. Ég æti klippt og límt úr pistlum þínum eða þar sem þöggunin er svo hávær að það ískrar þegar ráðherrann setur göng á dagskrá eða sprengir önnur. Er þetta röng tilfinning eða er ég bara í flokki með Árna Matt? Farinn að sjá okkar lið vinna.

[Stefán Friðrik Stefánsson, 4.4.2008 kl. 23:55]

Þakka kommentin.

Gísli: Það er stutt síðan að ég hrósaði þessum ráðherra vegna Vaðlaheiðarganganna. Skrifaði stuttan pistil um það, svo að ég skil ekki þessi ummæli.

[Gunnar Geir (IP-tala skráð) 5.4.2008 kl. 01:57]

Ok, segjum að við lækkum olíuskatta um 20 krónur hvern lítra og bíðum svo í 2 ár eftir að heimsmarkaðsverð hækki um þessar 20 krónur til baka.Hvað næst? Lækka um síðustu 20 krónurnar líka? Skattlaus olía og aðrir skattar hækkaðir til að laga tekjutap ríkissjóðs. 

Það er nákvæmlega ekkert mótív fyrir því að lækka heildar olíuskatta því einkatrukkar landans hafa aukið svifrik, gróðurhúsalofttegundir og aðra mengun jafnt og þétt og skattalækkun í einu skilar aðeins skattahækkun á öðru. 

Bendi á góða grein Ómars Ragnarsonar:

http://omarragnarsson.blog.is/blog/omarragnarsson/entry/496605/