Af hverju kærir stúlkan ekki?

Nauðgun er alvarlegur glæpur, gróf árás og kynferðislegt ofbeldi. Eftir umfjöllun um nauðgun í Reykjanesbæ um helgina vekur athygli að stúlkan ætlar ekki að kæra, þó hún hafi tilkynnti lögreglu um árásina á sig og rætt hafi verið um það í fjölmiðlum. Það er ekki nema von að spurt sé, af hverju kærir hún ekki. Finnst það stór og áleitin spurning. Hvað hefur breyst sem gerir það að verkum að hún ætlar ekki að leita réttar síns?

Sérkennileg skilaboð eru í þeirri staðreynd að stúlka fari til lögreglu og leiti þar réttar síns, tilkynni um nauðgun og geri eitthvað í málunum en láti svo málið niður falla. Finnst þetta aðallega dapurlegt, en það er einhver saga þarna á bakvið sem greinilegt er að veldur því að stúlkan fer ekki með málið lengra. Eftir fyrri umfjöllun vekur þessi staðreynd upp margar spurningar.

Stúlkan ætlar ekki að kæra

Athugasemdir

[Kjartan Pétur Sigurðsson, 15.4.2008 kl. 10:41]

Mannleg samskipti geta verið flókin og sér í lagi þegar kynlíf er annars vega :)

[Saga (IP-tala skráð) 15.4.2008 kl. 10:42]

Tímin eftir nauðgun er rosalega erfiður. Yfirleitt fara stelpurnar að kenna sjálfum sér um og stundum ná þær hreinlega að halda því fram og þetta sem þeim að kenna. Þetta er mjög erfið lífsreynsla, hún gæti hreinlega verið hrædd og skammast sín of mikið! Þannig þótt hún hafi dregið kæruna til baka núna er það ekkert víst að hún kæri seinna meir.. Hún er örugglega bara alveg miður sín og ekki í andlegu jafnvægi.

[Ang3l, 15.4.2008 kl. 12:45]

ég er með nokkrar getgátur.

 a) hópþrýstingur frá vinum og jafnvel ættingjum til að kæra ekki, mjöööög algengt og oft hótanir og fleira í kjölfarið. Been there, og þekki af eigin reynslu.

b) Dembt strax í fjölmiðla, fólk er ekki lengi að´átta sig á hver á í hlut´i svona máli og þá er hennar hrikalegu aðstæður komnar á forsíður slúðurblaða en aldrei minnst á gerandann. Það dregur úr kjark og sjálfsáliti og málar hana meira sem fórnarlamb heldur en survivor. Þetta er hrikalegt að ganga í gegnum og sérstaklega að vita af gerandanum óáreittum.

c) Dómar í kynferðisbrotamálum á Íslandi eru vægast sagt sorglegir. Gerendurnir sleppa alltof vel. Það tekur sig varla að ganga í gegnum allt þetta ferli til þess að maðurinn sitji inni í 1 mánuð eða svo. Er svo frjáls eins og fuglinn.

[Hlynur K (IP-tala skráð) 15.4.2008 kl. 13:34]

"Mannleg samskipti geta verið flókin og sér í lagi þegar kynlíf er annars vega :)

Kjartan Pétur Sigurðsson, 15.4.2008 kl. 10:41 "

Þú væntanlega meinar ofbeldi en ekki kynlíf.

[Fannar (IP-tala skráð) 15.4.2008 kl. 14:30]

Tja ég er ekki sammála... Þó að dómurinn sé hugsanlega stuttur. mánuður eins og þú nefnir sem dæmi. Þá finnst mér það eiginlega ekki aðal atriðið að þeir eigi endilega að sitja inni sem lengst... (Ég er samt ekki á móti því. ég vill alveg að það verði hækkaðir dómarnir) en það sem mér finnst líka mikilvægt, er að svona aumingjar fái þennan stimpil á sig. Ég meina það hlýtur að þíða eitthvað fyrir nauðgaranna ef þeir verða dæmdir fyrir nauðgun.. Ég meina fjölskyldan og vinir þeirra vita þá að þetta eru nauðgarar. Hugsanlega hugsa stelpur sem eru að umgangast þá sig aðeins um....

Allavega fyrir mitt leiti get ég ímyndað mér að það svíði aðeins meira en fangelsisvist á Íslandi, þar sem fangar hafa allt til alls. Tölvur inn í klefum með netaðgangi og allskyns fínerí..

Allavega það er mín skoðun.

[Stefán Friðrik Stefánsson, 15.4.2008 kl. 23:55]

Takk fyrir kommentin. Sérstaklega gott að lesa kommentið frá þér Saga.

mbk.