Hvíldartími bílstjóra á háannatíma í umferðinni

Eftir að hafa sleppt mótmælum um skeið minna atvinnubílstjórar nú enn og aftur á sig og sína baráttu þessa dagana - taka nú hvíldartímann sinn á háannatíma í umferðinni. Efast um að þeir séu að styrkja sína stöðu með þessum baráttuaðferðum og undrast enn að þeir beini mótmælunum gegn almenningi í umferðinni. Ljóst er að það er ekki til þess fallið að bæta þeirra málstað og eiginlega hafa þeir misst baráttuna algjörlega út á tún með röngum ákvörðunum að undanförnu.

Bílstjórarnir tóku sér pásu að ég tel meðvitað áður, enda sködduðust þeir frekar en styrktust á orðavali talsmannsins og aksturslagi við mótmæli, auk þess að gera ökumenn í umferðina reiða. Orðrómur hefur verið uppi um að bílstjórar stefni jafnvel að stóra stoppinu umtalaða á næstunni. Ætli sér að lama höfuðborgarsvæðið með mótmælum, leggja bílum sínum og skilja þá eftir á aðalumferðaræðum borgarinnar.

Stóra stoppið mun verða mjög umdeilt, verði af því. Það eru einfaldlega það stór mótmæli að það myndi aðeins kalla á hörð viðbrögð almennings og reiðiöldu, frekar en stuðning. Finnst staðan vera mjög afgerandi í þessa átt, að bílstjórar standi einir og almenningur hafi ekki lengur samúð með aðferðum þeirra og málstað. Þeir hafi klúðrað þessu.

Þeir höfðu mikinn stuðning almennings fyrst en hann hefur dvínað mjög að undanförnu, að mestu vegna taktískra mistaka í mótmælunum.

Bílstjórar „taka hvíldartíma"

Athugasemdir

[Haraldur (IP-tala skráð) 23.4.2008 kl. 10:24]

Við þurfum líka að átta okkur á því að baráttumál þeirra eru að fjarlægjast almenninginn.  Þegar þeir lögðu af stað upp í þessa vegferð, var verið að ræða um álögur á eldsneyti.  Svo kom í ljós að álögurnar voru með þeim lægstu miðað við þau lönd sem við berum okkur gjarnan saman við.  Þá var ákveðið að gera hvíldartímaákvæðið að helsta baráttumálinu og ég hef það á tilfinningunni að almenningur vilji ekki að þeir fái að keyra þreyttir á vegunum.

 Mín skoðun er sú að það megi ekki hliðra þessu ákvæði mikið.  Auðvitað mætti setja mælikvarða eins og t.d. akstur frá Akureyri til Reykjavíkur mætti keyra í einum rúnt eða þess háttar.  En almennt er ég hlynntur því að atvinnubílstjórar séu skikkaðir í að hvíla sig með reglulegu millibili,  því það er fátt hættulegra úti á örmjóum þjóðvegunum en þreyttir bílstjórar.

[Margeir Örn Óskarsson, 23.4.2008 kl. 10:26]

Mennirnir eru að berjast fyrir sinni vinnu... og hafa fullan rétt á því. Afskaplega þægilegt að geta setið heima fyrir framan tölvuna og vælt yfir því að ekki sé rétt að þessu staðið.

Þeir reyndu að fara að tilmælum lögreglunnar en nú er svo komið að bílstjórar hafa misst alla trú á lögreglunni og taka þvítil eigin aðgerða. Við hverju var að búast?!

Ég styð þessa menn 100% og vona að þeir muni gera hið sama ef ég þarf einhverntíman að berjast fyrir starfi mínu!

[Gísli Sigurðsson, 23.4.2008 kl. 10:31]

Ég er nú eiginlega alveg sammála þér í þessu máli, en varðandi vökulögin þá finnst mér nú að bírókratarnir ættu nú að bretta upp ermarnar og gera bara einfalda reglugerðarbreytingu þannig að þessari fáránlegu hvíldarreglu verði bara hent. Látum þá bara reyna á það hvort reglugerðarskrímslin í Brussel koma og berja okkur í hausinn.

[Anna (IP-tala skráð) 23.4.2008 kl. 10:35]

Ég stend með þeim og styð þá heilshugar!!

[Meinhornið, 23.4.2008 kl. 10:42]

Stóra stoppið væri taktískt og strategískt ofurklúður. Ef þeir vilja samkennd almennings þá eiga þeir að dömpa vörubílshlassi af skarna fyrir framan dyrnar á alþingishúsinu.

[B Ewing, 23.4.2008 kl. 11:06]

Svo virðist sem að pirringur almennigs sé ekki meiri sen svo að veginum var lokað þegar almennir borgarar tóku upp þráðinn á Suðurlandsvegi.  Þvó miður eru fréttir af vettfangi óljósar ennþá en það hefur verið staðfest að táragasi hefur verið beitt.

[Ingólfur, 23.4.2008 kl. 11:11]

Gísli, heldurðu í alvöru að almenningur vilji þreytta bílstjóra á bak við stýrið á ökutækjum sem geta gert pönnuköku úr meðal fólksbíl?

[B.N. (IP-tala skráð) 23.4.2008 kl. 11:14]

Bort úr ferðsögu rútu bílstjóra sem var á hringferð um fagra Ísland með erlenda ferðamenn  sem hingað komu til að njóta þess besta.

 Á Mývatni þegar ekið var frá Reykjahlíð eftir hádegisverð var stefnan tekin á Kröflusvæðið en á leiðinni áður en  þangað var komið við Græna lónið sem er á vinstri hönd á móts við Baðhúsið við Bjarnarflag var ákveðið að taka myndastopp vegna ósk gestanna. Rétt áður en bílstjórinn tók beygjuna til vintri til að komast á stað sem öruggt var að leggja rútunni sá hann í þann mund í baksýnisspeglinum að vegaeftirlitið var fyrir aftan rútuna og þeir eltu rútuna inn á planið þar sem rútunni var laggt. Bílstjórinn hugsaði um leið þegar hann sá í hvað stefndi með miklum pirringi gátu þeir nú ekki stílað á það að stunda sitt eftirlit í Reykjahlíðinni og eða á slíkum stöðum þar sem  rútur stoppa til að taka matarhlé og aðra þá hvíld sem þeim ber samkvæmt reglugerðum. Bílstjórinn opnar farþegahurðina til að hleypa ferðamönnunum út til að skoða vatnið og til að taka myndir. Þegar farþegarnir eru á leið út um farþegahurðina koma eftirlitsmennirnir inn um þá hurð á móti farþegunum þannig að þeir urðu að víkja sem inni voru en þá. Bílstjóranum fannst hann vera niðurlægður vegna þessara atgerða hvernig var staðið að þessu og var hinn óhressasti. Hann spurði hvort þetta væri eitthver sérsveitaæfing að þurfa að koma  svona aftan að bilstjóranum og það með svona freklegum hætti gagnvart  ferðamönnunum í leiðinni. Þegar þessu lauk fóru ferðamennirnir inn í rútuna að nýju og horfðu sumir hverjir á bílstjóran í leiðinni með tortryggilegum augum. Eftir þetta atvik tók bílstjórinn ákvöðun að hætta að hafa það að lifibrauði sínu að keyra ferðamenn eftir 7 farsæl ár í þessu starfi.

Baldvin Nielsen,Reykjanesbæ

[Bryndís Júlíusdóttir (IP-tala skráð) 23.4.2008 kl. 11:32]

Sæll Stefán.  Þú virðist ekki átta þig á að þetta er ekki einkabarátta bílstjóranna.  Þeir eru að berjast gegn hækkuðu bensínverði og það varðar okkur öll.  Þú ert kannski mjög sáttur við hækkun bensínverðs ???  Við eigum að standa með þessum mönnum sem eru í raun að berjast fyrir okkur sem heima sitjum.  Við eigum ekki að finna okkur í endalausum verðhækkunum á öllu hér á Íslandi.  Það virðist vera orðið náttúrulögmál að á Íslandi sé bara allt í lagi að allt sé á uppsprengdu verði.  Það er kominn tími til að almenningur verði meðvitaður um hvað er í gangi hér á landi og bregðist við.  Það gera bílstjórarnir.

[Kristján Eldjárn Þorgeirsson, 23.4.2008 kl. 12:32]

Þessar hvíldartímareglur eru að möru leyti algjör vitleysa. Það að meiga ekki aka nema 4 tíma í einu er bara rugl. Almenningur má aka hringinn í kringum landið í einum rikk án þess að taka hvíldartíma en vörubílstjórar verða að taka hvíldartíma á 4 tíma fresti. Ég hef heyrt þá kenningu að umferðaslysum, þ.e. veltum, útafakstri o.þ.h.hjá flutningabílum hafi fjölgað með tilkomu þessara hvíldartímareglna. Þetta er vegna þess að bílstjórar eru að reyna að komast sem lengst innan þessara fjögrra tíma. Sumir eru með verðmætan farm, eins og t.d. ferskan fisk. Menn reyna að keyra hraðar en þeir meiga útaf þessum reglum. Ég er ekki fylgjandi því að afnema algerlega þessar hvíldartímareglur, en ég vil aftur á móti hnika þessu til til þess að menn geti t.d. keyrt í einum rikk frá Akureyri til Reykjavíkur eða frá Ísafirði til Reykjavíkur.

[Óli Jóhann (IP-tala skráð) 23.4.2008 kl. 13:21]

Málið er að bensín er ekki á uppsprengdu verði. Það er andskoti dýrt en það kostar svipað í öllum nágrannaþjóðum sem við gerum borið okkur saman við. Bensínverð mun hækka. Þetta eru góðir tímar og talað verður við næstu kynslóðir um hve ódýrt bensínið var á þessum tíma.

Náttúruverndarsinnar voru handteknir fyrir að handjárna sig við vinnuvélar og tefja vinnu í nokkra klukkutíma, sumir sendir úr landi. Hversu marga voru þeir að tefja? Hvert var heildarvinnutap þeirra sem gátu ekki ræst vélarnar sem fólkið var handjárnað við? Nokkrir þúsundkallar? Skv.sömu aðferð ættu þessir bílstjórar ekki að vera allir í fangelsi?