Sveðju-Plank framseldur til Póllands

Ég tel að það sé rétt ákvörðun hjá Birni Bjarnasyni, dómsmálaráðherra að framselja hinn meinta pólska sveðjumorðingja Premyslaw Plank til síns heimalands. Eðlilegast er að hann verði dreginn fyrir dóm þar vegna þeirra glæpa sem hann er sakaður um.

Fulltrúi saksóknara í Póllandi segist hafa óyggjandi sannanir um sekt Planks í sveðjumorðinu margumtalaða. Þar er því haldið fram að Plank sé vægðarlaus sérfræðingur hjá glæpaklíku ytra og hafi verið leigumorðingi þeirra, alveg vægðarlaus hrotti. Það er greinilegt að þeir virðast hafa nokkuð traust mál á hendur honum.

Þetta mál með Plank minnir einna helst á atburðarás í svæsinni bandarískri glæpamynd. Þetta er ekki veruleiki sem ég tel að við viljum hér og það er afleitt ef Ísland er að breytast í einhvern griðastað fyrir erlent glæpafólk.

Framseldur til Póllands

Athugasemdir

[Brjánn Guðjónsson, 29.4.2008 kl. 21:12]

þetta finnst mér skynsamleg ákvörðun. það er rétt að pólverjar rétti yfir manninum, enda glæpurinn framinn þar sem og öll gögn málsins.

[Gísli Sigurðsson, 30.4.2008 kl. 18:14]

Það er fínt að losna við svona mannskap af landinu. Svo er spurning hvort Pólverjar framselja mann þann sem var grunaður um að hafa ekið á barn í Keflavík sem lést svo af meiðslum sínum. Þá á ég við það ef rannsókn, sem mér skilst að standi enn, bendir til þess að hann sé sekur um athæfið.