Fyrsti forsetabíllinn kominn til Bessastaða

Finnst það flott að passað verði upp á fyrsta forsetabílinn, sem notaður var í tíð Sveins Björnssonar, sem mótaði forsetaembættið á fimmta áratugnum og var þar áður fyrsti og eini ríkisstjórinn á Íslandi. Kannski finnst einhverjum hallærislegt að gera upp gamlan bíl sem einu sinni tilheyrði forsetaembættinu en ég held að þetta hafi verið rétt ákvörðun.

Söguna er mikilvægt að varðveita og hugsa vel um. Kannski sjá ekki allir sögulegt mikilvægi í fyrsta forsetabílnum, en ég held að þetta verði til sóma og gott verði fyrir forsetaembættið að eiga þennan bíl uppgerðan og geta átt hann sem minningu um hina liðnu tíma á þeim árum þegar að forsetaembættið var stofnað á sögulegum tímum í sögu þjóðarinnar.

Auk þess er alltaf gaman að sjá gamla og uppgerða bíla. Fjöldi fólks hefur gaman af bílum og margir þeirra stunda það sérstaklega að kaupa gamla bíla og gera upp. Fornbílarnir taka sig alltaf vel út.

Fyrsti forsetabíllinn

Athugasemdir

[Gísli Sigurðsson, 3.5.2008 kl. 17:59]

Bendi þér á að þetta er ekki fyrsti forsetabíllinn heldur annar sömu gerðar. Hinn upprunalegi var um borð í Goðafossi sem skotinn var í kaf á stríðsárunum. En engu að síður er gaman að geyma söguna í svona glæsigrip.

[Pétur Sig, 3.5.2008 kl. 19:53]

Sem segir okkur Gísli að hinn bíllinn sem sökk með Goðafossi varð aldrei forsetabíll, í hann settist aldrei neinn forseti. Hártoganir af síðustu sort.