Símafyrirtækið Tal lifnar við aftur

Áratugur er liðinn frá því að símafyrirtækið Tal var stofnað og hóf að veita Símanum löngu þarfa samkeppni á símamarkaði. Tal var flott fyrirtæki, var með góðar auglýsingakynningar og gerði appelsínugula litinn að tískulit með því að nota hann í kynningum sínum.

Þetta var flott vörumerki og við sem færðum okkur yfir í Tal á sínum tíma gerðum það vegna þess að fyrirtækið var flott og boðaði eitthvað svo nýtt og ferskt. Eftirsjá var af Tali þegar að það var lagt niður í sameiningu nokkurra símafyrirtækja síðla árs 2002 og það var sett undir hatt Íslandssíma og hlaut nafn þess. Síðar hét það hinu undarlega nafni Og Vodafone um skeið, svo bara Vodafone að erlendri fyrirmynd.

Nú er Tal að lifna við aftur, nú sem lággjaldasímafyrirtæki á grunni Sko og Hive. Tal er flott nafn og ég tel að það styrki símafyrirtækið að nota þetta gamla nafn liðinna tíma, nafn sem fyrirtækið á, eftir fyrri sameiningar og breytingar í viðskiptalífinu.

Vona svo sannarlega að það verði appelsínugult, gerir það kannski að tískulit ársins rétt eins og gamla Tal gerði fyrir áratug.

Boða 20-30% lækkun fjarskipta

Athugasemdir

[Alfreð Guðmundsson (IP-tala skráð) 6.5.2008 kl. 11:34]

Það má kannski benda á smá misræmi hjá þessu ný-sameinaða fyrirtæki.

Viðskiptavinir SKO geta sem dæmi haft 5 vini innan GSM hluta kerfisins ásamt netsímanum þar.

Hjá tal er hins vegar búið að fækka þeim niður í 3.

Það virðist gæta smávægilegs misræmis í þessum hlutum hjá hinu nýja TAL - spurning hvaða fleiri þjónustuliðir eldri fyrirtækjanna eru skertir.

Held að fólk fari að stefna á NOVA frá TAL þar sem að þar hringir fólk víst frítt inann kerfis NOVA og ásamt fleiri fríðindum.