Organistinn í Selfosskirkju talar um Gunnarsmálið

Ummæli organistans í Selfosskirkju, sem höfð eru eftir honum á fréttavef vísis, um kynferðisbrotamál séra Gunnars Björnssonar, vekja eðlilega athygli. Enda ekki annað að sjá en hann sé að tala máli stelpnanna sem segjast hafa orðið fyrir kynferðisofbeldi af hálfu prestsins, en þær hafa lengi verið virkar í kirkjustarfinu og voru í kórnum þar.

Þetta mál verður sífellt sorglegra eftir því sem meira heyrist af því í fjölmiðlum. Fjölmiðlavörn prestsins í DV í dag var fljótlega slegin út af borðinu af réttargæslumanni stelpnanna og nú hefur organistinn tjáð sig með nokkuð áberandi hætti í fréttum um þetta viðkvæma mál.

Þetta er mjög dapurlegt í alla staði fyrir þjóðkirkjuna, svo vægt sé til orða tekið.

Athugasemdir

[Markús frá Djúpalæk, 5.5.2008 kl. 20:12]

Stefán, væru þá meint afbrot starfsmanns Nýherja dapurleg fyrir IBM?

[Margrét (IP-tala skráð) 5.5.2008 kl. 21:39]

Þjóðkirkjuna????

Skítt með þjóðkirkjuna, dapurlegt fyrir fólkið sem er fórnarlamb í málinu.

[Axel Jóhann Hallgrímsson, 5.5.2008 kl. 22:00]

Ekki er það ætlan mín að verja prestinn sé eitthvað af því satt sem á hann er borið, síður en svo. En hann eins og aðrir teljast saklausir uns sekt þeirra er sönnuð. En umræðan hefur ekki verið þannig.

Ég er hugsi yfir yfirlýsingu organistans. Mér finnst grunsamlegt hvað hann kemur snemma fram í ferlinu með svona yfirlýsingar og ekki hvað síst þegar það upplýsist að ágreiningur hafi verið milli hans og prestsins.

Ég vona að þetta mál sé ekki endurtekning á Flókamálinu, þar sem séra Flóki Kristinnson  og organistinn Jón Stefánsson (sem átti Langholtskirkju víst skuldlaust) tókust á um messuhaldið, en presturinn var svo frekur að vilja ráða einhverju um það. Þar féllu ásakanir, af hálfu stuðningsmanna Jóns, á hendur prestinum langt út fyrir það sem kristnilegt gat talist.

Af Flókamálinu er ljóst að jafnvel innmúraðir safnaðarmenn voru tilbúnir að ganga gróflega á svig við orðið og kenninguna ef það gæti þjónaði veraldlegum stundarhagsmunum þeirra.

Við, sem erum aðeins áhorfendur að málinu, getum ekki á frumstigi rannsóknar þess, fellt dóm af eða á.  En málið er alvarlegt hvernig sem það er vaxið.

[Heidi Strand, 5.5.2008 kl. 22:42]

einn, tveir þrir............................................................................ 3965,3966,3967,

[Stefán Friðrik Stefánsson, 5.5.2008 kl. 23:23]

Þakka kommentin.

Markús: Er það sem þú nefnir samanburðarhæft? Mér finnst það ekki. Ég geri þá kröfu til þeirra sem gegna valda- og áhrifamiklum embættum að það sé heiðarlegt og vinni sín verk vel. Sérstaklega vil ég geta trúað því t.d. að prestar vinni heiðarlega og séu ekki sakaðir um svo alvarlega glæpi né hafi framið þá. Grunnkrafa. Prestar gegna mikilvægu hlutverki í hverju samfélagi og það skiptir máli að viss standard sé í verkum þeirra.

Margrét: Vissulega. Þetta er dapurlegt mál að öllu leyti, að sjálfsögðu fyrir þær stelpur sem hafa kært. Ekki er þetta mál þeim auðvelt og eflaust hefur það tekið þær tíma að hreinlega leggja í að taka þessi skref. Ummæli mín eru ekkert sérstaklega ætluð sem vörn fyrir kirkjuna, en þetta skaðar hana alla, og mér finnst það auðvitað dapurlegt að svona mál gerist yfir höfuð. Sú var meining orðanna og ég tel að svo sé, rétt eins og það skaðaði kirkjuna þegar að biskup Íslands var sakaður um kynferðisbrot á tíunda áratugnum, eins og frægt var. En ég tala alls ekki niður til þeirra sem hafa kært.

Axel: Þetta er allavega mjög áberandi yfirlýsing og hún vekur athygli, eðlilega. Ætla ekki að dæma neinn en mér finnst þetta mál líta mjög illa út og sé ekki að það muni verða neitt annað en harmleik fyrir þennan prest og þann söfnuð sem hann þjónar í. Sorglegt mál í alla staði.