Áhugaverður Kompásþáttur

Mjög áhugavert var að sjá Kompásþáttinn á þriðjudagskvöldið, þar sem fjallað var um vofveiflegt lát tveggja manna á níunda áratugnum, sem aldrei hefur verið upplýst. Ættingjarnir sættu sig eðlilega ekki við hina opinberu skýringu yfirvalda í málinu að þeir hefðu framið sjálfsvíg og óskuðu eftir gögnum málsins, en þurftu að berjast fyrir þeim.

Mér finnst afleitt að reynt sé að fela gögn málsins og ekki megi kanna það sem þar stendur. Skil mjög vel baráttu ættingjanna, enda er mikill munur á hvort að fólk taki eigið líf eða sé myrt og ekki hægt að lifa við þá óvissu. Auk þess virðist vera sem málið hafi aldrei verið klárað og þar hefði mátt kanna mun betur og fara yfir málavöxtu.

Eftirmálar nú vegna framleiðslu þessa þáttar og yfirlýsingar sem ganga á milli aðila vekja mjög margar spurningar um þetta mál, sem aldrei hefur verið klárað með sómasamlegum hætti. Grunnkrafa er að mál séu könnuð almennilega og reynt að ganga úr skugga um að allt sé reynt til að upplýsa svo dapurleg mál.

Eftir því sem meira er litið á málið verða spurningarnar fleiri en nokkru sinni svör yfirvalda í rannsókn á sínum tíma. Sérstaklega er athyglisvert að þeir sem komu fyrstir að vettvangi eru aldrei spurðir um aðstæður og leitað eftir viðbrögðum þeirra. Vinnubrögðin þarna vekja margar spurningar.

Vonandi mun spurningum fortíðarinnar verða svarað.

Kompásþátturinn

Yfirlýsing frá Kompási

Athugasemdir

[Ingimundur Kjarval (IP-tala skráð) 8.5.2008 kl. 10:21]

Sæll Stebbi. Og þá um hvað þetta er ótrúlega lítið þjóðfélag. Ég vaknaði snemma í morgun (er á landinu). Vafraði inn á vef Morgunblaðsins og las pistilinn hjá þér. Smellti á fréttina tengdri við og sá yfirlýsinguna frá Kristni Hrafnssyni ( þekki hann lítilega persónulega). Á fætur og í kaffi rétt hjá.

Þar spurði ég um hvað mönnum fyndist um þetta mál. Kom í ljós að maðurinn  við hliðina á mér hefði átt umtalaðan bíl. Nú veit ég ekkert um þetta mál, en finnst að sjálfsögðu að öll skjöl eigi að vera aðgengileg til rannsókna, leynd bíður að sjálfsögðu upp á spillingu. Góður pistill hjá þér. Kv. Ingimundur Kjarval