Eru erlendar konur að koma hingað í vændi?

Löngu þekkt staðreynd er að vændi, sem margir nefna elstu atvinnugreinina, sé til staðar á Íslandi, við erum hvorki fullkomnari né öðruvísi í þeim efnum en aðrar þjóðir að þar eru til skuggahliðar. Þær hafa verið að koma æ betur fram á síðustu árum. Það hefur ekki komið vel fram hversu útbreitt vændi er hér á Íslandi, en það virðist vera að flestir kenni það við félagslega erfiðleika eða fátækt af einhverju tagi. Vændi gefur af sér peninga og það blasir við að það hefst einkum til að geta safnað saman peningum.

Jafnan hefur verið skilningur flestra að íslenskar konur hafi yfirleitt um betri kosti að velja en fara út í vændi. Samt virðist það viðgangast hér. Flestir virðast tala um vændi til að afla sér peninga fyrir eiturlyfjum og einhverjum nauðsynjavörum. Viðskipti sem geta tryggt viðurværi fólks. Það er dapurlegt að svo illa sé komið fyrir fólki að það sé tilbúið að selja sig fyrir peninga en sá veruleiki er er ekki bara bundinn við önnur lönd, þó sumir hafi viljað horfa framhjá vanda hér heima.

Nú er því velt fyrir sér hversu algengt sé að erlendar konur komi einmitt hingað til að selja þjónustu sína. Athygli vakti fyrir ári þegar að rússnesk kona kom hingað til lands gagngert til að stunda vændi, dvaldist á hóteli í Reykjavík þar sem blíða hennar var seld. Man vel eftir því þegar að fréttamaðurinn Guðjón Helgason bankaði á herbergishurðina hennar og hún opnaði og bandaði út höndunum í allar áttir þegar að hún sá myndavélina, ekki mjög áfjáð í viðtal.

Vændi er ólöglegt en refsilaust á Íslandi nema þriðji aðili tengist málinu. Ljóst er að einstaklingur sem selur líkama sinn á bágt að einhverju leyti. Oft er deilt um hvort að vændi og mansal sé eitt og hið sama. Um fátt hefur verið deilt meira en um það hvernig eigi að taka á vændi, þær deilur hafa verið þvert á stjórnmálalínur.

Nú er allavega komið nýtt álitaefni í þessu, hvort að erlendar konur komi hingað sérstaklega til að veita sína þjónustu eins og sú rússneska fyrir ári.

Til Íslands til að veita kynlífsþjónustu

Athugasemdir

[Sigurbjörg Sigurðardóttir, 10.5.2008 kl. 18:15]

Erlendar konur koma aldrei einar,það eru alltaf margir aðilar á bakvið.Bara að hugsa um kosnaðinn flug hotelgisting,fæði og annað seigjum eina viku,kosnaðurinn er hár svo allt er vel skipulagt,dont worry