Hefner vill fá eina fimmtán ára á forsíðuna sína

Held að fáir menn á níræðisaldri lifi skrautlegra lífi en glaumgosakóngurinn Hugh Hefner. Á gamals aldri er hann með samansafn ungra meyja á sérstöku setri, kenndu við Playboy-ritið margfræga, sér við hlið og hann vill alltaf yngri og glæsilegri gellur á forsíðu blaðsins síns og setrið. Nú vill hann fá Miley Cyrus, hina fimmtán ára Disney-mær úr Hannah Montana sem næstu forsíðugellu.

Ekki er hægt að segja að Hefner sé að segja eða gera eitthvað nýtt með þessu umdeilda boði til hinnar ungu og saklausu sjónvarpsstjörnu sem komst reyndar í fréttirnar um daginn fyrir umdeilda mynd í Vanity Fair sem gerði húsbændur hennar hjá Disney alveg snarkandi illa. En sennilega bliknar það í samanburðinum við þetta boð Hefner sem greinilega vill með því bæði stuða þá sem hafa haft horn í síðu hans og ennfremur vekja athygli á sér og sínum bissness.

Reyndar keppast yngismeyjar um að fara til hans á setrið og vera í blaðinu hans, misjafnlega frægar. Sá frétt af því um helgina að hin tæplega þrítuga Holly Madison, sem er víst aðalhúsfreyjan á Playboy-setrinu, sé að reyna allt til að fá hinn hálfníræða glaumgosa til að giftast sér en hann hafnar á þeirri forsendu að hjónaband sé partur af fortíðinni hans. Fröken Madison er víst tilbúin til að gera gamla karlinum allt til geðs til að verða frú Hefner og hljóta góðan bita af ríkidæminu sem hann hefur safnað að sér á ferlinum.

Sama er hversu Hefner verður gamall og slitinn, alltaf nær hann athygli út á líferni sitt og hann er ekki beint feiminn við sviðsljósið. Kyndir frekar undir eldinn gegn sér og er slétt sama um þá sem helst gagnrýna hann og Playboy-lífið á setrinu margfræga. Meðal annars hafa verið gerðir raunveruleikaþættir um lífið þar og hafa þeir ekki síður vakið athygli fyrir hversu lífsglatt gamalmenni Hefner er fyrir húsfreyjurnar sínar.

Ætli að Hefner deyji ekki ekki sæll og glaður á þessu setri? Allavega er nokkuð öruggt að öldruðum er búið þar áhyggjulaust ævikvöld.

Hefner vill nektarmynd af Cyrus í Playboy

Athugasemdir

[Björgvin Gunnarsson, 13.5.2008 kl. 04:34]

Reyndar er þetta ekki alveg rétt hjá þér... Hefner vill ekki fá Cyrus á næstu forsíðu, nema næsta blað komi út eftir 3 ár því hann vill að hún sitji fyrir á myndum blaðsins þegar hún nær 18 ára aldri en ekki núna.

Auðvitað er samt siðlaust af honum að segja frá þessu núna þegar hún er ekki nema 15 ára...

[Þorsteinn Hannesson (IP-tala skráð) 13.5.2008 kl. 06:52]

Það kemur fram í fréttinni að Hefner sjái Cyrus sitja fyrir hjá blaðinu þegar hún er orðin 18 ára, semsagt "lögleg". Það kemur hinsvegar hvergi fram að hann vilji fá hana sem næstu forsíðugellu, enda væri það lögbrot sem jafn útbreitt og þekkt blað myndi síst vilja láta bendla sig við.

Hvað sem segja má um lífstíl mannsins sjálfs, þá held ég að allir aðilar séu að fá eitthvað úr krafsinu. Stúlkukindurnar fá þak yfor höfuðið meðan hann fær skemmtun á lífskvöldinu sínu.

Steini

[Stefán Friðrik Stefánsson, 13.5.2008 kl. 09:37]

Auðvitað getur hann ekki sett fimmtán ára stelpu á forsíðuna. Það vita allir. En boðið er sett fram til fimmtán ára stelpu. Hún er ekki átján ára. Sú var merking orðanna í þessum pistli.

mbk.