Ráðist á Guðmund í Byrginu

Eins og fram hefur komið í fréttum var ráðist á Guðmund Jónsson í Byrginu í gærkvöldi á heimili hans í Grímsnesinu og skemmdir unnar á bifreið hans. Þó að Guðmundur í Byrginu sé umdeildur maður og mörgum misbjóði þau afbrot hans sem dæmt hefur verið í er afar dapurlegt að ráðist sé á hann og skemmdir unnar á eigum hans.

Ofbeldi er ekki lausnin til að refsa Guðmundi í Byrginu. Bíða á eftir endanlegri niðurstöðu dómstóla í máli hans og frekar leitt að einhver telji rétt að ráðast á hann eða skemma fyrir honum með því að taka bílinn hans fyrir. Finnst þetta frekar sorgleg viðbót við þetta dapurlega mál.

Athugasemdir

[Birna Dis Vilbertsdóttir (IP-tala skráð) 13.5.2008 kl. 17:36]

Og engin vitni að ofbeldinu eða skemmdarverkunum væntanlega?

[kiza, 13.5.2008 kl. 17:49]

Sérstaklega þar sem hvers kyns 'aðgerðir' af þessum toga eiga ekki eftir að áorka neinu nema að gera manninn að einhvers konar píslarvotti; nú getur hann vælt í fjölmiðlum um að hann sé lagður í einelti og tekið 'greyið ég'-pólinn á málið...

[Stefán Friðrik Stefánsson, 13.5.2008 kl. 18:46]

Vil fyrir það fyrsta taka fram að Guðmundur í Byrginu á skilið þunga refsingu fyrir sín afbrot. Þau hef ég margoft gagnrýnt hér og mér fannst dómurinn yfir honum fjarri því þungur miðað við allt sem hann braut af sér. Ekki er lausnin að ráðast á hann, heldur eiga dómstólar að dæma manninn. Ofbeldi er ekki rétta svarið í þessu máli. Sé Guðmundur að dikta þetta upp eins og Birna Dís gefur í skyn að þá er það enn einn skandallinn fyrir hann. En svona ofbeldi, ef frásögnin er rétt, er ekki það rétta í stöðunni í þessu alvarlega máli.