Óviðeigandi hegðun í grunnskóla

Mál kennarans í Borgaskóla hefur eðlilega verið mikið í umræðunni og flestum er misboðið hvernig komið er málum þegar kennarar sýna óviðeigandi hegðun gagnvart nemendum sínum. Finnst það mest sláandi í þessu máli að kennarinn hafði mynd af nemanda sínum sem skjámynd í tölvunni sinni. Þetta er auðvitað ekkert nema hreint ógeð og eðlilegt að spurt sé hvort að svona vandamál séu til staðar í öðrum skólum á landinu.

Þetta mál hefur staðið mánuðum saman án þess að um það hafi verið fjallað og reyndar var kennaranum gefið tækifæri til að bæta ráð sitt áður en kom að því að honum var vikið frá störfum. Hélt að svona mál væru almennt það alvarleg að engin málsvörn væri til staðar, hvað þá að kennarar hafi myndir af nemendum sínum í tölvunum sínum og noti þær með þessum hætti. Auðvitað býður fólki við svona.

Finnst orðið einum of mikið af þessum málum þar sem menn í virðingarstöðum, fólki sem treyst er fyrir að sjá um börn, er staðið að því að misnota það traust og sýni óviðeigandi hegðun, sem ekki er hægt að afsaka með neinu móti. Þetta er dapurlegur vandi og sérstaklega er slæmt ef ekki er hægt að treysta þeim sem vinna við að sjá um börn undir lögaldri í grunnstofnunum samfélagsins.

Kennara vikið frá störfum í Borgaskóla

Athugasemdir

[Gísli Sigurðsson, 18.5.2008 kl. 19:37]

Ég held að þessi hegðun hafi nú alltaf verið til staðar, kannski mismikil þó. Ég get sagt að þegar ég var í gagnfræðaskóla (efri bekkir grunnskóla) þá veit ég um tilfelli þar sem kennari sýndi 15 - 16 ára stelpum sem orðnar voru þroskaðar og í raun fallegar konur, óviðurkvæmilega hegðun. En á þeim tímum var enginn leið fyrir börn og unglinga að leita réttar síns. En í dag eru börn og unglingar miklu meðvitaðri um rétt sinn og eins hvað má og hvað má ekki, en það er að sjálfsögðu vegna mikillar umræðu og fræðslu undanfarin ár.

[Einar Þór Strand, 18.5.2008 kl. 20:37]

Það er líka önnur hlið á þessu og hún er sú að unglingar hafa hótað einkum karlkyns kennurum kærum um kynferðislegtáreiti til að hafa sitt fram þannig að þessi mál eru ekki eitthvað auðvelt þó svo að bloggheimar láti eins og þetta sé allt svart og hvítt, einnig má benda á að þó svo að menn seú sýknaðir af svona kærum þá er mannorðið farið.  En í hinum fullkomnu bloggheimum þá skiptir það engu máli þar eru menn sekir þó þeir séu sýknaðir.

[Sigurbjörn Friðriksson, 18.5.2008 kl. 23:50]

´ 

Þær eru markskonar skoðanirnar um þessi mál.  Ég veit að ég verð kallaður "kynjamisréttismaður" (sexual-racist) fyrir að leyfa mér að minnast á þetta svona;

Um daginn var einhver að ræða um hlutfall kynja í þátttöku ofbeldis gegn börnum og unglingum og kom með eftirfarandi slóðir máli sínu til stuðnings:

Um hlutfall kynjanna í ofbeldi gagnvart börnum:

http://www.ifeminists.net/introduction/editorials/2006/0118roberts.html

Um morð og/eða kynferðislegt ofbeldi svo sem nauðganir á sveinbörnum/drengum:

http://www.worldnetdaily.com/news/article.asp?ARTICLE_ID=53859

Þá kom ein frúin og sagði að listinn yfir KVEN-gerendur væru bara um venjulegt ofbeldi (morð, misþyrmingar andlegar og/eða líkamlegar), en ekki kynferðislegs eðlis, og því ekki marktækar upplýsingar.

Kveðja, Björn bóndi.