Nektarmynd af Dorrit - ný hlið á forsetafrúnni

Í gær sá þjóðin nýja hlið á forsetafrúnni Dorrit Moussaieff er nektarmynd af henni var opinberuð. Eftir allar formlegu myndirnar af forsetafrúnni er þetta skemmtileg viðbót, listræn og vel gerð mynd. Efast þó um að Dorrit hafi viljað opinbera myndina fyrir landsmönnum áður en íslenskum fornleifafræðingi tókst að grafa hana upp í gær.

Dorrit hefur greinilega farið úr hverri spjör til að vera nektarfyrirsæta fyrir vinkonu sína, listamanninn, einhvern tíma löngu áður en hana óraði fyrir að hún ætti eftir að enda sem forsetafrú á Íslandi, við hlið Ólafs Ragnars Grímssonar. Ekki verður allavega sagt hið sama um Kristin Styrkársson Proppé og Dorrit að þau geri allt fyrir frægðina nema að koma nakin fram. Enda sjá allir sem horfa á myndina að þarna hefur Dorrit setið nakin fyrir.

Þrátt fyrir að Dorrit Moussaieff hafi verið við hlið Ólafs Ragnars Grímssonar í tæpan áratug, fyrst sem framandi kona í matarboði á Bessastöðum sem enginn kannaðist við, síðar sem unnusta hans í þrjú ár og loks eiginkona og forsetafrú í fimm ár vita fáir hver Dorrit er á bakvið myndavélablossann og brosin á myndunum. Hún er enn framandi, viss leyndardómur fyrir þjóðina

Nakta konan á þessari mynd er allavega forsetafrúin okkar. Finnst stórmerkilegt að forsetaskrifstofan hafi ekki staðfest að þetta er Dorrit sem er nakin á þessari mynd. Eru þeir að reyna að afneita fréttinni eða hún gleymist. Væri gaman að vita hvaða vandræðalegheit felast í því hiki sem er á bakvið þá bið eftir staðfestingu um að nakta konan á myndinni sé konan í lífi forseta Íslands.

Eða er nektin kannski vandamál fyrir forsetaskrifstofuna og konuna á forsetavakt? Má vera, varla getum við þá átt von á að forsetinn sitji fyrir hjá listakonunni.

Athugasemdir

[Guðmundur Auðunsson, 26.6.2008 kl. 13:05]

Hvers vegna ætti Óli Ragnar ekki að sitja fyrir hjá listakonunni. Góð hugmynd, gætu hengt upp báðar myndirnar á Bessastöðum! Svo er ég líka viss um að Doritt hefur létt gaman af þessari "uppgötvun". Myndin er jú lagleg, eins og frúin er, og henni mjög til sóma.

[Sigurður Hreiðar, 26.6.2008 kl. 14:23]

Ég er ekki svo kunnugur forsetafrúnni að ég geti fullyrt að þetta sé nektarmynd af henni, þó svo andlitið ofan á búknum minni á hennar.

[brahim, 26.6.2008 kl. 19:16]

So What ! Því þarf forsetaskrifstofan að gefa út einhverja tilkynningu um eitthvað sem hvorki mér, þér, hvað þá öðrum kemur akkúrat ekkert við. Þetta er fín mynd hvort sem hún er af forsetafrúnni eða ekki. Það er engin ástæða til að gefa út sérstaka tilkynningu vegna þessarar myndar.

Nakta konan á þessari mynd er allavega forsetafrúin okkar. Finnst stórmerkilegt að forsetaskrifstofan hafi ekki staðfest að þetta er Dorrit sem er nakin á þessari mynd. Eru þeir að reyna að afneita fréttinni eða hún gleymist. Væri gaman að vita hvaða vandræðalegheit felast í því hiki sem er á bakvið þá bið eftir staðfestingu um að nakta konan á myndinni sé konan í lífi forseta Íslands.

Eða er nektin kannski vandamál fyrir forsetaskrifstofuna og konuna á forsetavakt? Má vera, varla getum við þá átt von á að forsetinn sitji fyrir hjá listakonunni.

[H.T. Bjarnason (IP-tala skráð) 26.6.2008 kl. 19:17]

Ég tek undir orð Sigurðar.  Þó svo að konan á myndinni svipar til Dorritar, treysti ég mig ekki til að fullyrða að þetta sé hún.  Annars eigum við ekki bara öll að slappa af þó svo að forsetaembættið sé ekki enn búið að gefa út formlega tilkynningu af eða á?