Frelsisbarátta Surtlu enn í minnum höfð

Ég er ekki hissa á því að þeir Strandamenn á Sauðfjársetrinu vilji minnast sauðkindarinnar Surtlu og telji það mikilvægan feng að geta sýnt höfuð hennar. Saga Surtlu er um margt stórmerkileg og eltingarleikurinn við hana á sínum tíma ævintýralegur í meira lagi. Með réttu ætti Surtla auðvitað að vera þar í öndvegi og ætti hvergi betur heima en þar.

Margar skemmtilegar frásagnir og sögur eru til um Surtlu og las ég eitt sinn bók þar sem sagt var frá nokkrum þeirra og þessum stórmerkilega eltingarleik við sauðkindina lýst nokkuð vel. Kindinni tókst að komast undan í að mig minnir eitt ár og gekk ekki þrautalaust að fella hana.

Daginn sem hún var að lokum drepin var hún elt langa leið og hafði klifið klettahamar sem ætti með réttu að vera ófær öllum venjulegum skepnum. Þeir sem felldu hana fóru með hausinn til yfirvalda og hann hefur varðveist. Fyrir verkið fengu þeir 2000 krónur, sem þótti mikið á þeim tíma. Ekki urðu þeir þó miklar þjóðhetjur fyrir vikið og voru allt að því hataðir fyrir.

Fjöldi fólks, einkum til sveita, voru ósáttir við að skepnan væri felld, hún hefði átt skilið að lifa og deilt var reyndar um hvort hún væri haldin mæðuveiki. Frelsisbarátta Surtlu lauk því með að þjóðin var á hálfgerðum bömmer yfir að sauðkindin væri felld og vísur voru ortar og greinar skrifaðar um hana.

Ætli að það sé ekki rétt að fullyrða að Surtla sómi sér vel sem frelsisboðberi íslenskra dýra. Nógu lengi barðist hún allavega fyrir frelsi sínu og sýndi áræðni sem höfð er í minnum.

Tákngervingur frelsis

Athugasemdir

[skúmur (IP-tala skráð) 8.7.2008 kl. 02:09]

Ég er ekki hissa á því að þeir sjálfstæðimenn í dómsmálaráðuneytinu vilji minnast surts og telji það mikilvægan feng að geta sýnt höfuð hans.

Saga surts er um margt stórmerkileg og úrksurðurinn um hann á sínum tíma ævintýralegur í meira lagi

Frelsisbarátta surts lauk því með að þjóðin var á hálfgerðum bömmer yfir að hannværi felldur og vísur voru ortar og greinar skrifaðar um hann.

Ætli að það sé ekki rétt að fullyrða að surturinn sómi sér vel sem frelsisboðberi. Nógu lengi barðist hann allavega fyrir frelsi sínu og fjölskyldu sinnar, áræðni sem höfð er í minnum.