"Strákarnir okkar" fá fálkaorðuna

Mér líst mjög vel á það hjá Ólafi Ragnari Grímssyni að sæma íslenska handboltalandsliðið, "strákana okkar", fálkaorðunni. Þeir hafa unnið fyrir henni og gott betur en það. Finnst það hið besta mál að fálkaorðan sé veitt Íslendingum sem skara framúr á alþjóðavettvangi.

Fáir verðskulda slíkt betur nú en íslenska handboltalandsliðið, sem hefur unnið afrek sem verður ritað gullnu letri í íslenskri íþróttasögu. Auðvitað má alltaf velta fyrir sé hvenær sé rétt að veita fálkaorðu vegna eins atburðar en ekki fyrir ævistarf, en í þessu tilfelli held ég að enginn velti því fyrir sér. Afrekið er það mikið.

Þetta er góð breyting á því að það þurfi helst að verðlauna einstakling á gamals aldri fyrir margra ára verk sín. Finnst mikilvægt að taka upp nýja siði. Þessa orðu á að veita þeim sem skara fram úr í samfélaginu, ekki aðeins fyrir ævistarf heldur og mun frekar þá sem eru að gera góða hluti á þeim tíma. Finnst rétt líka að verðlauna hópa fólks sé tilefni til. Ef einhverntímann var tilefni til er það svo sannarlega nú og því er þetta góð stefna sem mörkuð er með þessu.

Liðið sem færði okkur ágústævintýrið ógleymanlega hefur unnið fyrir þessu og gott betur en það. Óska strákunum til hamingju með þetta.

Fálkaorðan bætist í orðusafnið

Athugasemdir

[Villi Asgeirsson, 25.8.2008 kl. 16:33]

Ég er sammála. Þeir eiga þetta fyllilega skilið, miklu meira en margir sem hafa fengið orðuna. Samt vil ég leyfa mér að pissa smá í laugina. Ef fleira fólki og hópum verður veitt orðan fyrir afrek snemma á ferlinum, er þá ekki möguleiki að gildi hennar falli? Ef "auðveldara" verður að fá Fálkaorðuna, verður hún ekki minna virði? Hvað er þá til ráða? Koma með Hauksorðu, sem er þá einskonar hálfdrættingur Fálkaorðunnar, eða koma með orðu sem er ennþá flottari en Fálkaorðan? Kemur það þá ekki illa við þá sem hafa fengið hana á liðnum árum?

[Héðinn Björnsson, 27.8.2008 kl. 09:41]

Það hefði nú alveg mátt bíða þangað til orðan næst er veitt (1.des). Þetta er hálf aumkunarvert.