Háspenna í Hafnarfirði

Frábært að horfa á háspennuleikinn í boltanum í Hafnarfirði síðdegis. Lengst af leiknum hélt ég að Íslandsmeistaratitillinn væri að fara til Keflavíkur í fimmta skiptið og það fyrsta í hálfan fjórða áratug en Dalvíkingnum Atla Viðari tókst að bjarga FH undir lokin og halda möguleikum þeirra á dollunni á lífi. Fínt að spennan haldist í baráttunni um meistaratitilinn, nú þegar ljóst er (það sem allir vissu reyndar í mestallt sumar) að Skaginn og HK falli.

Spái samt enn að dollan fari til Keflavíkur. Og þeir eiga það líka skilið. Þegar Gaui Þórðar hætti við að þjálfa Keflavík á sínum tíma og Kristján Guðmundsson var valinn í staðinn hefði manni ekki órað fyrir því að titillinn yrði þeirra fyrir lok áratugarins. Þeir hafa unnið fyrir þessu á Suðurnesjum.

FH - Keflavík, 3:2

Athugasemdir

[Steingrímur Helgason, 22.9.2008 kl. 00:11]

'Kebblvíkíngar' eiga titilinn skilið þetta árið er mín skoðun, flottur bolti hjá þeim, en mig langar að inna þig að því hver þín skoðun sé á þeim verðandi gjörníngi að einu fallegasta íþróttavallarstæði landsins eigi að fórna undir eina 'stórsjoppuna' til í þínum heimabæ.

[Stefán Friðrik Stefánsson, 22.9.2008 kl. 15:54]

Takk fyrir kommentið.

Ég er ekki mjög hrifinn af því að setja verslun á þetta svæði. Þar sem þetta var aflagt sem íþróttavöllur vildi ég helst að þetta yrði fjölskyldugarður eða þarna yrði einhverskonar fjölskylduaðstaða. Ég vil ekki að það verði byggt á þessu svæði, vil að þetta verði grænn reitur áfram.

mbk.