Frábær þáttur hjá Spaugstofunni

Held að það sé orðið óralangt síðan að ég hef hlegið eins mikið að Spaugstofunni og var í kvöld. Þeir fóru yfir Glitnis-málið með glæsibrag og gerðu sitt allra besta í mörg ár. Tengingin við Apaplánetuna var ansi sniðug og útrásarvíkingunum velt upp úr háðinu.

Spaugstofan hefur jafnan verið best í stuttum þáttum með heilsteyptum brag um eitt lykilmál í kastljósi fjölmiðlanna - þáttur unninn í hraða stórmálanna. Ég hef stundum gagnrýnt Spaugstofuna þegar ég hef verið ósáttur við þá en hrósa þeim núna.

Athugasemdir

[Bergur Thorberg, 4.10.2008 kl. 21:53]

Kæri blogvinur. Er húmorinn frosinn fyrir norðan? Sjálfur á ég nú allar mínar ættir að rekja í Svarfaðardalinn í föðurætt og stúderaði í "den" í MA, en Spaugstofan höfðaði ekki til mín í kvöld. Mér finnst þeir vera alveg á "æsinni" ( út í ystu æsar), og um það bil að missa jafnvægið og detti út af brúninni, ef þeir vanda sig ekki betur. Svoldið gamall og og úr sér genginn húmor. Ha?

[Dunni, 5.10.2008 kl. 09:00]

Stebbi ég er sammála þér. Davíð og úrtrásargengið fengu smávegis til tevatnsins.  Horfði á þáttinn hérna megin hafsins og þótti hann mega góður. En mér brá að lesa fyrstu athuugasemdina því þetta er í fyrsta sinn sem ég heyri frá húmorslausum Svarfdæling og á ég þó nokra vini úr þeim ranni. 

[Ólöf (IP-tala skráð) 5.10.2008 kl. 13:55]

Mér fannst spaugstofan góð í gærkveldi þótt ég hafi sjálf stúderað í MA! Þá hlýtur húmorinn að vera frosinn lika fyrir sunnan þar sem ég býr þar núna. Það er gott að geta hlegið á þessum erfiðum tímum sem blasir við þjóðinni  

En að öðrum sálmum þá vona ég að það fari að hlýna svo ég komist norður á fimmtudaginn :)

[Bergur Thorberg, 6.10.2008 kl. 00:31]

Þegar Stefán vinur okkar gefur sér góðan tíma til að samþykkja ath. semdir okkar, gætu þær kólnað á meðan. Og húmorinn frosnað í leiðinni. En það er nú vor á næsta leiti........ eftir haust og vetur....