Ætlar fólk aldrei að læra neitt - nýtt "Lúkasarmál"

Mér finnst beinlínis ömurlegt að lesa fréttina um að setið sé um strák í Reykjanesbæ sem eigi að hafa tekið þátt í hinni grófu líkamsárás, en er alsaklaus um það. Hvernig er það, ætlar fólk aldrei að læra neitt? Á að svara ofbeldi með því að beita ofbeldi? Á að trúa því að fullorðið fólk hafi ekkert til málanna að leggja nema hóta þessum strákum og nafngreina þá - niðurlægja meira en orðið er. Verst af öllu er að rangur strákur sé sakaður um þetta ofbeldi og þurfi að upplifa hreint umsátursástand fyrir utan heimili sitt, reynt sé að ráðast á hann í orði og verki.

Ég spyr bara aftur, ætlum við aldrei að læra neitt?

Grímuklæddir menn sitja um heimili hjá saklausum pilti

Athugasemdir

[Nína S (IP-tala skráð) 27.11.2008 kl. 01:55]

Já, þetta er ömurlegt ástand og trúlega hefur einhver aðdragandi verið að þessari árás, aðdragandi sem hefur farið framhjá skólayfirvöldum, kennurum, gangavörðum, foreldrum o.fl. sem þarna koma að máli. Það er afar slæmt að saklaus drengur verður fyrir því ofbeldi sem umsátursástand hefur í för með sér og slíkt mun hafa alvarlegar afleiðingar fyrir hann persónulega og aðra sem enn "gruna" hann saklausan. Það sorglega er, að þessi árás mun ekki verða sú fyrsta í íslenskum grunnskólum og ekki sú síðasta. Það þarf virkilega að hlúa að börnunum í skólunum og vera vakandi fyrir einelti sem á sér stað í öllum skólum, vera vakandi fyrir fautunum og líklegum fórnarlömbum. Þetta sérstaka atvik er sorglegt fyrir alla. Spurningin er því; hvernig er hægt að koma í veg fyrir annað slíkt, í einhverjum öðrum skóla?