Munu eigendur DV bera blak af Reyni áfram?

Mér finnst það táknrænt að maðurinn með hattinn sem hefur í leiðaraskrifum sínum kallað eftir ábyrgð þeirra sem fara illa með vald sitt ætli að sitja sjálfur sem fastast eftir að hafa logið upp á blaðamann undir sinni stjórn og látið stjórnast af duttlungum auðmanna úti í bæ. Enn svarar Reynir engu um það hver stjórnaði honum í Sigurjónsmálinu, fékk hann til að ljúga framan í þjóðina í gær. Aumar afsakanir hafa ekkert að segja. Tala þarf hreint út og fara yfir það lið fyrir lið hver stjórnaði ritstjóranum með valdboðum og skipunum og hvort og þá hversu oft það hafi gerst áður.

Eigendur DV virðast bera blak af ritstjóranum og halda fast í hann. Svo virðist allavega vera. Traust starfsmannanna er allavega ekkert, engin er stuðningsyfirlýsingin, en heldur ekki vantraustið þó virðist vera að það bresti á með því að menn gangi út. Þegar er einn farinn, lét ekki bjóða sér vinnubrögðin. Er ekki hissa á því. Sómakært fólk lætur örugglega ekki fara illa með sig þegar þeir sjá að yfirmaður þeirra reyndi að gera út af við æru samstarfsmanns.

En hversu lengi mun það standa? Fjölmiðill er bara orð á blaði en ekki sterkt afl í raun ef trúverðugleikinn er enginn.

Reynir biðst afsökunar

Athugasemdir

[Birna Dis Vilbertsdóttir (IP-tala skráð) 16.12.2008 kl. 18:59]

Ótrúverðugt blað og hefur verið það lengi.Reynir e partur af því

[Byltingarforinginn, 16.12.2008 kl. 19:09]

Verða eigendurnir ekki að gera það? Hann er væntanlega með slatta á þá, hvort sem er á teipi eða annan hátt. Hvernig komst eiturpenninn Mikael Traustason í álnir?

Það þarf fólkið niðri á gólfinu til að fletta ofan af hlutunum. En hver þorir að verða atvinnulaus á þessum síðustu og verstu tímum og það með reiði frá eigendum Íslands hangandi yfir sér?

[Tóti (IP-tala skráð) 17.12.2008 kl. 00:19]

Eigendur bera blak af? Akkúrat þessvegna keyptu núverandi eigendur þennan miðil. Til þess að hafa áhrif á hverjum væri borið blak af og hverjum ekki. Slík valdníðsla er margþekkt í sögu vestrænna landa og til þess eru siðareglur blaðamanna, sem Reynir (því miður) sá sig ekki megnugann að fylgja fundin upp.

Líklega væri sá ritstjóri minna virði sem viðurkenndi að hann/hún væri undir hælnum á eiganda prentsmiðjunar heldur en sá sem viðurkenndi ekki. Þannig virkar spillingin eins og stundaður er á Íslandi.

Hvernig getum við haldið að við séum ekki mútuþægt bananalýðveldi þrjúhundruð þúsund einstaklikngar? Við erum skólabókardæmi um valdníðslu og Reynir er bara neðanmálsgrein í þeim óþverra.

Ég giska á að hann hafi talið sig neyddann til að vera með, (og svo mikið gaf hann í skyn í Kastljósi) því annars myndi svona og svona margir blaðamenn missa vinnuna.

Svona virkar spillingin. Haldið þig (virðulegir lesendur) að þeir sem beita spillingu séu sjálfkrafa heimsk(ir)?

[Sigurjón Pálsson (IP-tala skráð) 17.12.2008 kl. 11:05]

DV verður vart tekið alvarlegaframvegis - nema etv. af þeim sem þess þurfa hreinlega.  Blaðið er nú uppvíst af því, sem flestir reyndar hafa lengi vitað, að vera boðberi eigendanna þess og eigenda þeirra.  Reynir Traustason, er því ekkert annað en auðsveipur vikapiltur viðskiptablokkarinnar.  Hann opinberaði þetta svo ekki varð um villst, er hann tilkynnti það sigri hrósandi að hann hefði ennþá óskorað traust eigendanna.  Það var honum mest um vert.  Annað traust kom Traustasyni hreinlega ekki við.   Trúnaðinn við lesendur blaðsins, starfsmenn sína, þá sem eftir eru og síðast en ekki síst trúnað við sannleikann, setti hann, aftast í forgangsröðina.