Álitshnekkir fyrirliðans Gerrard

Þá hefur fótboltakappinn Steven Gerrard verið ákærður fyrir líkamsárás og gæti fengið allt að fimm ára refsingu. Afar ólíklegt telst að hann fái mjög þungan dóm. Helsta refsing hans gæti aðallega orðið álitshnekkir og vandræðaleg kynni við laganna verði. Gerrard hefur jú verið talinn táknmynd heilbrigðs lífsstíls og þótt vera strangheiðarlegur og rólegur að eðlisfari. Honum var t.d. falið að passa upp á fjörkálfinn Wayne Rooney í landsliðinu og hann væri til friðs.

Miðað við ákæruna og aðra dóma er ólíklegt Gerrard missi af mörgum leikjum vegna þessarar framkomu, en verði hinsvegar helst að horfast í augu við skaddað mannorð. Kannski er það eitt og sér mikil refsing fyrir mann sem talinn hefur verið strangheiðarlegur.

Gerrard gæti átt fimm ára fangelsi yfir höfði sér

Athugasemdir

[Prófessor Mambó (IP-tala skráð) 30.12.2008 kl. 16:54]

Sammála - tónlistarsmekkur nafna þíns er afleitur.

[S. Lúther Gestsson, 30.12.2008 kl. 17:10]

Alveg er ég klár á því Stefán að þú hefur gert mistök í mannlegum samskiptum. Þó líklega ekki svo alvarleg að um líkamsáras sé að ræða. Það eitt og sér gerir engann mann verri en hann er.

Gerrard er gull af manni sem hvaða íþróttamaður sem er getur tekið sér til fyrirmyndar, klárlega mun hann áfram verða öflug fyrirmynd ungra knattspyrnudrengja.

Svona leiðindaratvik sem gerist undir áhrifum vímugjafa má á engann hátt verða mönnum að falli.

Við skulum einnig gera okkur grein fyrir því að þetta er ekki í fyrsta skiptið sem Gerrard smakkar áfengi en samt hefur hann aldrei orðið vís að slíku athæfi sem hann varð að í gærkveldi.

Þetta er að mínu mati aðeins leiðindaratvik sem má ekki verða til þess að menn hangi í það endalausa yfir að gera slæman mann úr þessum öðlingsdreng.

Þess má einnig geta að í yfirlýsingu frá Liverpool kemur fram að þeir munu styðja hann framm í fingurgóma og aðstoða hann að öllu leiti í þessu máli, af hverju skyldi það nú vera gefið út? Jú einmitt vegna þess að þeir vita hvað hann hefur haft góða ímynd til annarra.

[Óskar Steinn Gestsson, 30.12.2008 kl. 19:58]

Nú verð ég að segja NEI!! S Luther.... hvernig ætlarðu að réttlæta þetta bull í þér? OK Gerrard er Gull fyrir okkur Liverpool menn, en að þessir atvinnumenn sem ráðast á saklaust fólk VERÐUR að taka út sína sekt (eða dóm) sem þeir vinna fyrir. Það er merki um gríðarlega spillingu þegar knattspyrnumenn geta barið saklaust fólk og komist upp með það af einhverjum fjármálalegum ástæðum, hann á bara að fá samskonar dóm og aðrir menn sem ekki hafa brotið af sér áður! Ekkert meira og ekkert minna, það eiga ALLIR að vera jafnir fyrir lögunum!