Ólafur og Árni semja um launalækkun forseta

Nú hafa Ólafur Ragnar og Árni Mathiesen náð saman um að lækka laun forsetans. Ég er hissa á forsetanum að hafa ekki þegar óskað beint eftir því að fjármálaráðherra tæki þetta verkefni að sér, enda vitað mál frá upphafi að Kjararáð myndi aldrei lækka launin eða taka forystuna um það. Ljóst er að laun forsetans eru stjórnarskrárvarin og því augljóst að til þyrfti að koma ákvörðun ráðherra úr ríkisstjórninni, pólitísk ákvörðun semsagt, að lækka launin þar sem kjörtímabil forsetans er nýlega hafið.

Svo verður að ráðast hvort eitthvað mál verði gert úr því að ganga gegn stjórnarskránni. Efast þó stórlega um það. Forsetinn þarf að vera táknmynd sparnaðar eins og aðrir sem leiða för nú. Forsetinn ætti þó að hafa það hugfast að hann verður að spara á öðrum sviðum til að vera trúverðugur í þeim efnum, svo þetta sé ekki eitt leikrit. Eitt dæmið er að lækka ferðakostnaðinn og sennilega að lækka símreikninginn umtalsvert, svo fátt eitt sé nefnt.

Laun forseta verða lækkuð

Athugasemdir

[Viðar (IP-tala skráð) 16.1.2009 kl. 13:49]

Hvað er þetta eiginlega með ykkur sjálfstæðismenn og Óla greyið.  Getið þið ekki setið á ykkur og látið kallinn bara í friði.  Hann fór bara sömu leið og þínir menn gerðu í upphafi það er að fara fram á það við Kjararáð að lækka laun ráðherra. Það á við hér sem annarstaðar að fólk í glerhúsi eigi ekki að vera að grýta grjóti. En takk samt fyrir góð skrif svona yfir leitt  mbk V.

[Stefán Friðrik Stefánsson, 16.1.2009 kl. 13:56]

Málið er bara að laun forsetans og annarra eru tvö ólík mál. Forsetinn er varinn sérstaklega fyrir launalækkun af stjórnarskránni. Það var alveg ljóst að það að lækka laun hans yrði pólitísk ákvörðun.

[Hallgrímur (IP-tala skráð) 16.1.2009 kl. 14:48]

"enda vitað mál frá upphafi "

Þetta er að vera vitur eftirá !!