Ferski ráðherrann í 125 ára stjórninni

Katrín Jakobsdóttir, menntamálaráðherra, er eini pólitíski ráðherrann í nýju vinstristjórninni sem mér líst virkilega vel á, enda eina ferska andlitið í 125 ára stjórninni svokölluðu, sú eina sem hefur eitthvað nýtt fram að færa og er ekki hokin og þreytt við stjórnarskiptin. Fjarri því er að ég sé sammála Katrínu um alla hluti en mér finnst stíll yfir henni og eitthvað nýtt. Hún er af sömu kynslóð og ég - vissulega er ánægjulegt að einhver á þessum aldri verði ráðherra og yngt upp í pólitíkinni. Full þörf er á því einmitt núna.

En í staðinn velja vinstrimenn í nær alla stóla forystumenn sem eru fulltrúar gamla tímans, hafa annað hvort verið í ríkisstjórn eða setið mjög lengi í stjórnarandstöðu og eru þreytulegir, hreint út sagt. Einmitt á þessum tímum þurfum við að fá ferskt fólk til forystu og stokka upp í pólitíkinni. Fyrir því hef ég allavega talað að undanförnu með því að við þurfum nýja kynslóð til forystu, nýtt fólk til leiks og við fáum alvöru breytingar.

Þetta eru tímar breytinganna og allir flokkar eiga að svara því kalli.

Vék stjórn LÍN frá

Athugasemdir

[Jón Ingi Cæsarsson, 4.2.2009 kl. 19:59]

Það er rétt hjá þér... mér finnst hún ferskari og fallegri en td. Björn Bjarnason, Árni Matthiesen, Geir Haarde og Einar Guðfinnsson...

[Stefán Friðrik Stefánsson, 4.2.2009 kl. 21:44]

Ég hef verið alveg heiðarlegur í því, Jón Ingi, að nýjir tímar krefjist nýs fólks í stjórnmálum. Einfalt mál.