IMF gengur frá Seðlabankafrumvarpinu gallaða

Enginn vafi leikur á því að athugasemdir Alþjóða gjaldeyrissjóðsins á frumvarpinu um Seðlabankann eru svo umfangsmiklar að þeir ganga í raun frá því. Þeir leggjast gegn því að bankastjórinn sé með afmarkaða menntun á vissu sviði, eru andvígir því að einn maður drottni yfir bankanum og skipi sjálfur peningastefnuráðið (ömurlegt nafn auk þess) og telja rétt að hafa einn til tvo menn til hliðar við hann sem séu staðgenglar hans.

Vinstristjórnin ætlaði að keyra handónýtt frumvarp um Seðlabankann í gegnum þingið í þeim tilgangi að hreinsa út Davíð Oddsson og taka tvo vel menntaða og reynda hagfræðinga, sem hafa staðið sig mjög vel út, út úr bankanum án nokkurrar málefnalegrar ástæðu. Málatilbúnaðurinn allur er skotinn í kaf hressilega. Málið er strandað í þinginu og blasir við að í raun verður nýtt frumvarp samið í nefndavinnunni.

Þvílíkt sleifarlag hjá vinstrimönnum. IMF stöðvar málatilbúnaðinn og dæmir hann ekki haldbæran, rétt eins og sjálfstæðismenn gerðu þegar það lá fyrir.

Venjan að hafa einn eða fleiri aðstoðarbankastjóra

Athugasemdir

[Heimir Lárusson Fjeldsted, 13.2.2009 kl. 09:26]

Orð að sönnu.

[Þórarinn Þ Gíslason (IP-tala skráð) 13.2.2009 kl. 09:56]

Sæll Stefán.

þú segir orðrétt.

"IMF stöðvar málatilbúnaðinn og dæmir hann ekki haldbæran, rétt eins og sjálfstæðismenn gerðu þegar það lá fyrir."

Ég spyr,  Ert þú einn af þeim væntanlegu landráðamönnum að láta sem gott sé að IMF sé að skifta sér að okkar innanríkismálum

OG ÞAÐ OKKAR HÁA ALÞINGI.

MILILL SJÁLFSTÆÐISMAÐUR ERT ÞÚ.

ERTU EKKI Í VITLAUSM FLOKKI. ?

[Sigurður Sveinsson, 13.2.2009 kl. 10:04]

Þetta mál snýst ekki um Davíð vin þinn og átrúnaðargoð. Það er bara staðreynd að seðlabankinn er öllu trausti rúinn erlendis. Það er bara hlegið að okkur eins og molbúum. Seðlabankamálið snýst um trúverðugleika en ekki pólitík. Bankinn hefur lengst af verið elliheimili fyrir aflóga stjórnmálamenn. Fólk man kannski eftir Steingrími, Finni og Tómasi. Kannski muna einhverjir líka eftir Birgi Ísleifi. Og svo er það auðvitað yfirsnillingurinn, sjálfur Davíð. Það á að gera pólitíkina útlæga úr seðlabankanum og láta fagmennsku í peningamálum ráða.

[Auðun Gíslason, 13.2.2009 kl. 11:14]

Þar með reyndist hún röng fullyrðingin um, að IMF skipti sér ekki af stjórnmálum!