Hversu virkur er nornagaldurinn?

Mér finnst það kaldhæðnislegt að konan sem hefur verið að magna upp nornagaldur gegn þjóðþekktu fólki og talað gegn því sé að loka galdrabúðinni sinni. Kannski fer það stundum svo að galdurinn beinist gegn fólkinu sjálfu og komi þeim sjálfum sem verst. Hver og einn á að tala um aðra eins og þeir vilja að talað sé um það sjálft. Illur andi og almenn lágkúra hittir fólk fyrir síðar meir.

Nornabúðin lokar dyrum

Athugasemdir

[Alexander (IP-tala skráð) 5.3.2009 kl. 15:14]

Ég get ekki betur séð en að bölvanir á hendur ríkisstjórnar og aðra hafi verið vel verðskuldaðar. Þar fyrir utan fólust þessar 'bölvanir' aðallega í því að vanhæft fólk segði af sér og kynni að skammast sín. Mér þykir lágkúrulegra að hlakka yfir því að einstakt fyrirtæki þurfi að hætta og þar með minnki flóran á viðskiptalífi þessa lands.

[Halldór Dorit Nilsson (IP-tala skráð) 5.3.2009 kl. 15:23]

Takk fyrir frábært blogg á þessa frétt og takk fyrir að vitna í orð lausnarans.
Drottinn blessi þig og varðveiti þig!
Drottinn láti sína ásjónu lýsa yfir þig og sé þér náðugur!
Drottinn upplyfti sínu augliti yfir þig og gefi þér frið!

4. Mósebók 6:24-26

[Eva Hauksdóttir (IP-tala skráð) 5.3.2009 kl. 19:18]

Yfirleitt finnst mér þú nú ekki svo áhugaverður penni að ég nenni að kommenta hjá þér Stefán en þar sem mér er málið skylt óska ég eftir nánari skýringum á þeirri kenningu sem hér liggur undir, að ég hafi:

a) staðið fyrir illan anda og lágkúru

b) orðið fyrir einhverskonar ógæfu.

Ég kannast nefnilega við hvorugt.