The best way to rob a bank is to own one!

Æ betur hefur komið í ljós á síðustu mánuðum hversu botnlaust siðleysi hefur verið í íslenska bankakerfinu. Hámark siðleysisins er nú að koma í ljós í Kaupþingi. Lánveitingar eigenda bankans fyrir þá sjálfa til að halda hringekju græðginnar áfram með því að dæla peningum til Hollands og Tortola er skelfilegur verknaður. Þetta mál verður að klára með sóma og fara yfir allar hliðar þess. Ég átti svosem ekki von á góðu þegar farið var að kafa í fen þessara manna en ósóminn er meiri en manni óraði fyrir.

En við hverju mátti svosem búast. Íslenska hrunið og eftirmáli þess hefur opnað fyrir okkur sorglegustu hliðarnar í íslensku þjóðarsálinni, hliðar siðleysis og græðgi sem loksins varð okkur öllum að falli. Verst af öllu er að við hlustuðum ekki nógu vel á þá sem voru að vara við og þjóðin svaf að mestu á verðinum. Jónína Benediktsdóttir hafði t.d. varað við þessu í Kaupþingi og Baugi árum saman.

Til að lýsa þessum ósóma í Kaupþingi er best að líta til William Kurt Black. Árið 2005 ritaði hann bókina The best way to rob a bank is to own one. Þetta spakmæli virðist vera yfirskrift þess sem gekk á í Kaupþingi og væntanlega öllum bönkunum hérlendis.

Lánuðu sjálfum sér milljarða

Athugasemdir

[Valsól (IP-tala skráð) 6.3.2009 kl. 23:27]

Nei, besta leiðin til að ræna banka, er að láta fyrst Sjálfstæðisflokkinn selja sér hann, borga svo vel í kosningasjóði flokksins til að auðvelda honum að halda völdum, ræna svo focking bankann í skjóli Sjálfstæðisflokksins. En þú samþykkir væntanlega ekki þessa skýringu?

[Valsól (IP-tala skráð) 7.3.2009 kl. 00:12]

Nú verð ég að éta ofan í mig stóru orðin

[Stefanía, 7.3.2009 kl. 00:25]

Hún er nú svo hálfvitaleg, að þú getur ekki vænst þess.

[kolbrún Bára (IP-tala skráð) 7.3.2009 kl. 04:48]

 

Lákúra og siðleysi Kaupþingsmanna er sorglegri en tárum taki. Flest það unga fólk, sem þarna hefur haft sig frammi, hefur sérmenntun  frá Hákóla Íslansds.

Ég tel í alvöru, að Háskóli Íslands þurfi að endurskoða sínar áherslur og fá nemendur til að skilja , að sá verður aðeins talinn menntaður og siðaður maður , sem hagar sér eins og góðum  borgara sæmir.  Að vera vatnsgreiddur með bindi og í síðum frakka, það dugar skammt. Manngæskan og viskan er það sem skiptir máli. Menn þurfa ekki að fara í háskóla til að læra að haga sér eins og svín. Við látum einfaldlega svínabúin um slíkt uppeldi.

kolbrún Bára (IP-tala skráð) 7.3.2009 kl. 04:17