Beðist afsökunar á lágkúrulegri fréttamennsku

Morgunblaðið gerir hið eina rétta og biður Geir Hilmar Haarde, formann Sjálfstæðisflokksins, afsökunar á lágkúrulegri fréttamennsku sinni þar sem starfslokum hans var gert skil með komu hjálparhundar fyrir sjóndapran þingmann á Alþingi. Flestum blöskraði mjög þessi framsetning fréttamannsins sem fór í hundana með framgöngu sinni.

Þetta er eitthvað sem á ekki að sjást til fréttamanns á virtasta dagblaði landsins, eigi það og hún að halda einhverjum snefil af trúverðugleika. Því er afsökunarbeiðnin til Geirs í rökréttu framhaldi af umræðunni.

Afsökunarbeiðni

Athugasemdir

[Björn G. (IP-tala skráð) 26.3.2009 kl. 11:13]

Það er nú í lagi að hafa smá húmor?

[Sigurður Þór Guðjónsson, 26.3.2009 kl. 11:16]

Mér fannst þessi frétt fyrst og fremst krúttlegt - út af hundinum. Það  var verið að tala um tilviljanir. Ekki finnst mér svo rétt að dæma allan fréttamannsferil eins fréttamanns út af einu atviki.

[Sigurður Ingi Jónsson, 26.3.2009 kl. 11:19]

Þetta er gott fordæmi. Nú er komið að Geir að biðja þjóðina afsökunar á sínum afglöpum.

[Ólafur Tryggvason Þorsteinsson, 26.3.2009 kl. 11:29]

Ég segi nú bara fyrir mig að ég sá ekkert sérstaklega athugavert við þessa frétt og fannst eiginlega bara sniðugt að tengja þá saman á Norskum uppruna. Eitthvað hefur farið framhjá mér því mér fannst fréttin frekar jákvæð í ljósi þess að Helgi fær þessa líka fínu aðstoð.

[Arnar Bergur (IP-tala skráð) 26.3.2009 kl. 12:39]

Það er hægt að biðjast afsökunar á þessu já.. en ekki á grein Kolbrúnar Bergþórsdóttur varðandi Frjálslynda Flokkinn.

[Ingi Björn Guðnason (IP-tala skráð) 26.3.2009 kl. 13:31]

Þú verður að útskýra hvað var svona móðgandi við þessa frétt? Afhverju blöskrar fólki?

[Einar Axel Helgason, 26.3.2009 kl. 16:43]

Já, stórundarlegt að þessar fréttir skuli settar saman, enda um vænan hund og góðan að ræða, heyrist mér.

[hilmar jónsson, 26.3.2009 kl. 23:33]

Og Geir biður flokkinn sinn afsökunar á dómgreindarlausri stjórn flokksins, ekki þjóðina.

[Kristján P. Gudmundsson, 28.3.2009 kl. 09:50]

Þetta var högg undir beltisstað. Dálítið ólíkt Morgunblaðinu.

Með kveðju, KPG.

[Baldur Hermannsson, 28.3.2009 kl. 22:30]

Það er ekkert að marka afsökunarbeiðnir einar og sér. Orðunum skal fylgja viðhlítandi gjörningur. Þessi fréttamaður á að hætta.