Aumt væl úr horni frjálslyndra

Frjálslyndi flokkurinn virðist á vonarvöl í þeirri snörpu kosningabaráttu sem er hafin. Allt loft virðist úr flokknum. Liðsflóttinn hefur sjaldan eða aldrei verið meiri en í aðdraganda þessara kosninga og engu líkara en allir séu að flýja sökkvandi skip nema þeir sem geta ekkert annað farið. Nú nýlega hefur sjálfur varaformaðurinn gefist upp á félagsskapnum eftir heila níu daga í hlutverki sínu og yfirgefið fleytuna, væntanlega áður en hún sekkur.

Í miðri þessari varnarbaráttu fyrir tilvist Frjálslynda flokksins er örlítið sérstakt að hlusta á Guðjón Arnar Kristjánsson, akkeri og þungavigtarmann Frjálslynda flokksins alla tíð, koma með aumt væl úr horninu sem flokkurinn hefur alla tíð verið í. Hið auma væl snýst um að fólk fari þaðan með mútum yfir í Sjálfstæðisflokkinn. Þetta er í besta falli ótrúverðugt en mun frekar aumingjalegt blaður manns sem á engar aðrar skýringar.

Væntanlega vísar hann þar til Gunnars Örlygssonar og Jóns Magnússonar, þingmanna sem flúðu úr flokkaerjum í Frjálslynda flokknum yfir í annan flokk, sterkan flokk sem þeir töldu nær skoðunum sínum og vera betra vinnuumhverfi fyrir sig pólitískt. Þeir náðu hvorugur markmiðum sínum í prófkjörum en taka fullan þátt í flokksstarfinu, sátu báðir landsfund um helgina í Laugardalshöll.

Guðjón Arnar ætti að fara að líta í eigin barm og leita að skýringum í sukkuðu umhverfi þar að ástæðum þess að flokkurinn hans er að deyja.

Ná fólki frá okkur með mútum eða öðru

Athugasemdir

[Hörður Tómasson (IP-tala skráð) 30.3.2009 kl. 18:24]

Já ég er alveg sammála þér.  þetta er nú auma liðið sem er ekki í þínum flokki og heldur að það hafi einhvern rétt á öðrum skoðunum en þínum.  Veit það ekki að þínar skoðanir eru þær einu réttu.  Við skulum vona að þessi flokkur lognist út af svo að það verði færri kostir til að kjósa um.  Svo skulum við bara vona að allir hinir flokkarnir lognist út af líka svo að sjálfstæðisflokkurinn verði bara einn í framboði.  Það yrði sko alvöru lýðræði. Óþolandi svona dónar sem vilja koma einhverjum öðrum skoðunum á framfæri en þínum. Veit það ekki að sjálfstæðisflokkuinn er flokkur frelsis.  Frelsis til að hafa eina skoðun.  

[Arnar (IP-tala skráð) 31.3.2009 kl. 01:06]

Stefán er hræddur við Frjálslynda flokkinn eins og allt XD fólk.

og svo kemur moggaruslið með þessa fyrirsögn, 

þvílík ömurleg fréttamennska.