Hlutlausi Baldur fer í þingframboð

Mér finnst mjög skondið að fréttaskýrandinn hlutlausi Baldur Þórhallsson, stjórnmálafræðiprófessor, sé kominn úr felum og í varaþingmannsframboð fyrir Samfylkinguna. Kannski fyrirsjáanlegt eftir fréttaskýringar hans hvaða skoðanir hann hafði og betra að segja þær hreint út en undir grímu hræsninnar og felulitanna.

Í og með er þetta samt svolítið tragískt. Árum saman hefur þessi maður verið kallaður í fréttatíma sem hlutlaus álitsgjafi og undir fræðimannsheiti til að rýna í spilin. Hvernig er hægt að varpa þeirri ímynd af sér og fara að selja eitt stykki stjórnmálaflokk. Svolítið fyndið samt.

Samfylkingin hættir aldrei að koma manni á óvart með hræsni sinni.

Listar samþykktir í Reykjavík

Athugasemdir

[Hólmfríður Bjarnadóttir, 1.4.2009 kl. 02:00]

Fagna því að Baldur Þórhallsson sé okkar liðsmaður.

[Heidi Strand, 1.4.2009 kl. 08:18]

Hann hefur góðar forsendur til að velja sér flokk.

[Stefán Örn Valdimarsson (IP-tala skráð) 1.4.2009 kl. 09:16]

Ætli það sé tilviljun að fjölmiðlar hafa leitað meira í Baldur eftir áliti heldur en til annarra stjórnmálafræðinga. Það er hreinlega með ólíkindum hvað sjónarmið samfylkingarinnar eiga greiðan aðgang að fjölmiðlum. Baldur er kallaður fram sem fræðimaður í allskyns viðtöl og greiningar en talar eins og þingmaður samfylkingarinnar.

[Hjörtur J. Guðmundsson, 1.4.2009 kl. 13:10]

Þess má geta að Baldur var einnig einn af þeim sem skrifuðu undir auglýsingu sem birtist í dagblöðunum sl. laugardag þar sem lýst var yfir stuðningi við að Ísland gengi í Evrópusambandið. Þar var reyndar líka fjöldi annarra einstaklinga sem hafa viljað skáka í því skjóli að vera hlutlausir álitsgjafar þegar Evrópumál hafa verið til umræðu.

[Benedikt Sigurðarson, 1.4.2009 kl. 13:42]

Stefán ertu ekki að reiða nokkuð hátt til höggs?

Baldur Þórhallsson - og allir aðrir háskólakennarar og fræðimenn eiga rétt til stjórnmálaþátttöku - án þess að að þeim séu gerð hróp með dónaskap.

Það kann hins vegar að vera til réttmæt gagnrýni á Baldur - þar sem hann hefur skort á "hlutlægni" - en hann hefur enga skyldu til að vera "hlutlaus" - og þá í merkingunnni "án afstöðu" eða mats á málefnum og atburðum.   Þá ættir þú að tilgreina efnisleg og rökstudd dæmi.

Bara svona; - tími hótana og þöggunar - ætti að vera liðinn Stefán, bæði fyrir Sunnan og Norðan.

Kveðja

bensi

[Lýður Pálsson, 1.4.2009 kl. 16:37]

Framboð Baldurs kemur á óvart því ég man ekki betur en að Baldur hafi verið félagi í Sjálfstæðisflokknum. Hann var m.a. á lista hjá Sjálfstæðisflokknum í Suðurlandskjördæmi árið 1987 eða 1991. Gremja sjálfstæðismanna því skiljanleg. Ég hef alla tíð fundist stjórnmálaskýringar hans litaðar af "bláum" viðhorfum þannig að viðsnúningur hans virðist hafa átt sér stað nýlega.

[Erna Friðriksdóttir, 1.4.2009 kl. 16:57]

Þú ert svo glaður með þína sjálfstæðismenn. Enn finst þér í lagi orð Davíðs Oddsonar um marga menn  sem hann hafði orð yfir? Og að líkja , eða að hreinlega telja Jóhönnu Sigurðardóttir einhvern álf ???????

Ég tel að þetta sé ekki í lagi enda margir mjög óánægðir með þessa ræðu hans , vegna biturleika hans osfrv, meira að segja sjálstmenn sem að ætla ekki að láta bendla sig við flokkinn eftir ummæli Davíðs

[Bumba, 2.4.2009 kl. 16:19]

Stefán min er þetta er bara ekki aprílgabb? Hehehehe. Með beztu kveðju.

[Hjörleifur Guttormsson, 3.4.2009 kl. 20:57]

Ábendingar þínar, Stefán, eru fyllilega orð í tíma töluð. Mér eins og mörgum öðrum hefurfyrir löngu verið ljóst að nefndur Baldur hefur falið sig undir skikkju fræðimennsku en í reynd verið ómálefnalegur áróðursmaður fyrir inngöngu Íslands í ESB. Í framboði fyrir Samfylkinguna er hann kominn á rétta hillu.