Enn fækkar í Frjálslynda flokknum

Ég er ekki undrandi á því að Guðrún María Óskarsdóttir hafi yfirgefið Frjálslynda flokkinn. Henni hefur verið sýnd mikil lítilsvirðing og ráðist ómaklega að henni innan þessa flokks undanfarnar vikur. Ekki aðeins var henni bolað úr formennsku kjördæmisráðsins í Kraganum vegna þess að henni datt í hug að gefa kost á sér til formennsku í flokknum heldur var henni bolað af framboðslista með mjög ólýðræðislegum hætti.

Ég hef þekkt Guðrúnu Maríu í mjög mörg ár. Fyrst kynntist ég henni þegar við vorum að skrifa á innherjavefnum um stjórnmál í upphafi áratugarins og síðar á málefnum. Alltaf var hún málefnaleg og dugleg að tala fyrir sínum skoðunum, en þó án upphrópana og skítkasts. Ég hef dáðst að því hversu ötul hún hefur verið að tala máli flokks sem á það varla skilið.

Framkoman við hana að undanförnu hefur verið mjög dapurleg með að fylgjast og mér finnst það til skammar fyrir frjálslynda hvernig að því var staðið. Ekki þarf að koma að óvörum að sú sómakona sem gmaría er horfi annað í pólitíkinni.

Segir skilið við Frjálslynda

Athugasemdir

[Rannveig H, 5.4.2009 kl. 15:53]

Þetta eru orð að sönnu.

[ThoR-E, 5.4.2009 kl. 19:37]

Þetta er leiðinlegt. Hef ekkert heyrt nema gott af henni.

[B.N. (IP-tala skráð) 5.4.2009 kl. 21:50]

Sæll Stefán

Ég er sammála þér að Guðrún María er sómakona og þekki hana vel við vorum stofnfélagarar Frjálslynda flokksins og annað ég veit hvernig vinnubrögðin eru hjá Guðjóni Arnari formanni flokksins. Guðjón spilar pólitíkina eins og hann sé skipstjóri en ekki formaður flokks sem leyfir fólki að njóta sín á lýðræðislegm nótum. Klíkan er orðin mjög þröng hjá honum núna en hann gæti haldið velli í þingkosningunum þann 25.apríl nk. Nái hann kjöri  trúi ég að hann fari fljótlega í framhaldinu heim í Sjálfstæðisflokkinn enda ekkert annað að gera fyrir hann því skipið þ.a.s. Frjálslyndi flokkurinn er að sökkva stefnið stendur aðeins upp úr og þar stendur Guðjón og horfir til eins og kom fram hér áður til Sjálfstæðisflokksins sem skipsbrotsmaður í Íslenskri pólitík búinn að eyðileggja allt sem til var ætlast að koma kvótabrakkerfinu burt um ókoma framtíð. 

Baldvin Nielsen,Reykjanesbæ

P.S. Það var engin tilviljun að ég varð oddviti Reykjanesbæjarlistans í sveitarstjórnarkosningunum 2006. Guðjón Arnar bolaði mér út eftir að Bæjarmálafélag Frjálslynda flokksins hafði samþykkt að ég leiddi framboð frjálslynda í Reykjanesbæ.

[Hilmar Gunnlaugsson, 5.4.2009 kl. 22:41]

Þetta var skynsamleg ákvörðun hjá Guðrúnu. Þetta ólýðræðislega afl sem Frjálslyndi flokkurinn er á sem betur fer stutt eftir.

[Guðrún María Óskarsdóttir., 5.4.2009 kl. 23:57]

Sæll Stebbi.

Þakka þér góð orð í minn garð, já þessi mín ákvörðun var nauðsynleg.

kv.Guðrún María.