Guðlaugur Þór hvatti stjórnendur til að styrkja

Ljóst er nú að Guðlaugur Þór Þórðarson hvatti Þorstein M. Jónsson, varaformann stjórnar FL Group, og Steinþór Gunnarsson, framkvæmdastjóra verðbréfasviðs í Landsbankanum, til að leita eftir styrkjum frá fyrirtækjunum í desember 2006. Gott er að fá það á hreint hverjir voru milligöngumenn og hvernig saga þessara mála er að vissu leyti. Enn er þó spurningum ósvarað að mínu mati og efasemdirnar eru vægast sagt vondar fyrir flokksheildina. Kjaftasögurnar grassera enn.

Ég tel að þetta mál hafi skaðað Sjálfstæðisflokkinn gríðarlega. Fyrir öllu er að afhjúpa alla þætti þess og gera það algjörlega upp. Ég finn það þó á fjölda fólks að því finnst þetta vandræðaleg redding mun frekar en endanleg niðurstaða málsins. Mér finnst mikilvægt að menn sem tóku þessar ákvarðanir, tóku við styrkjunum og höfðu milligöngu um það axli ábyrgð. Á meðan svo er ekki vofir þetta leiðindamál yfir.

Hvað sjálfan mig varðar hef ég verið flokksbundinn sjálfstæðismaður frá árinu 1993, gegnt ýmsum trúnaðarstörfum fyrir hann og stutt forystumenn hans í góðri trú. Mér finnst margir hafa brugðist trausti mínu og trúverðugleiki Sjálfstæðisflokksins hefur beðið hnekki vegna siðleysis þeirra sem voru við völd í flokknum. Ég er afdráttarlaust þeirrar skoðunar að margir hafi brugðist í þeim efnum.

Ég finn vel að þeir sem hafa stutt flokkinn og talað máli hans eru illa sviknir yfir vinnubrögðunum. Eðlilegt er að þetta fólk hafi tjáð sig afdráttarlaust og sé nóg boðið. Nú verður að ráðast hvort þessi niðurstaða sé nægileg til að forðast alvarlegan álitshnekki. Ég efast um það, satt best að segja að nóg hafi verið gert.

Söfnuðu fé fyrir flokkinn

Athugasemdir

[Sigurður Gunnarsson (IP-tala skráð) 11.4.2009 kl. 19:21]

Þetta er kattarþvottur.  Guðlaugur Þór getur ekki logið sig frá þessu og málinu verður ekki lokið fyrir Sjálfstæðisflokkinn fyrr en hann segir sig frá framboði fyrir flokkinn.  Ég kaus Sjálfstæðisflokkinn síðast en hann fær ekki mitt atkvæði nú með Guðlaug innanborðs.

[Gísli Baldvinsson (IP-tala skráð) 11.4.2009 kl. 19:40]

Gleðilega páska Stefán...gb

[Viðar Magnússon (IP-tala skráð) 11.4.2009 kl. 20:30]

Þar sem þú ert flokksbundinn þá myndir þú kannski ganga í það verk að  Sjálfstæðisflokkurinn opnaði bókhaldið frá því að bankarnir voru einkavæddir.

Mér segir svo hugur að árið 2006 sé ekkert einsdæmi.

[Haraldur Haraldsson, 11.4.2009 kl. 20:40]

Auðvitað hefðum við kosið að þetta hefðin ekki komið upp,en þetta mun afgreiðast og menn ekki kannski á eitt sáttir,en við munum taka okkur á,það er maður viss um!!!!/Kveðja Halli gamli

[Agla (IP-tala skráð) 11.4.2009 kl. 20:45]

Ég hélt að Geir Haarde hefði axlað ábyrgðina í þessu sambandi.Nú skilst mér að Guðlaugur Þór sé "sökudólgurinn" og Steinþór og Þorsteinn hafi bara verið að  reyna að þóknast honum. Hvað með aumingja Andra?

Ég botna ekkert í þessu. Voru þessar "styrkveitingar" ekki fullkomlega í samræmi við gildandi lög og starfsreglur flokksins?

[Adda Laufey , 11.4.2009 kl. 21:34]

kæri bloggvinur

óska þér gleðilegra páska.kv adda

ps.takk fyrir vináttuna á facebook

[Adda Þorbjörg Sigurjónsdóttir, 12.4.2009 kl. 07:11]

Ljótt er að sjá hversu mjög er vegið að Sjálfstæðisflokknum þessa dagana. Það er alveg ljóst að menn í öðrum flokkum hafa setið á upplýsingum um mistök í Sjálfstæðisflokknum til þess að hrúga yfir almenning rétt fyrir kosningar. Gert til þess að halda flokknum uppteknum í innri hreinsunum og draga styrk úr kosningabaráttu hans. Þetta er gert svo að honum vinnist ekki tími til að kynna stefnu sína og tillögur sínar í efnahagsmálum.

Vissulega er skelfilegt til að hugsa að svona misráðnar ákvarðanir hafi verið teknar eins og að þiggja þessa peningastyrki. Taka verður á því máli og tryggja að önnur og betri vinnubrögð verði við lýði í framtíðinni. Nú er ný forysta og mikil endurnýjun í flokknum og sagt er að nýir vendir sópi best. Ég hef fulla trú á að tekið verði á málunum.

Lokapunkturinn er einfaldlega þessi: Nokkrir kappsfullir sjálfstæðismenn voru of duglegir að safna styrkjum. Upphæð þeirra fór út fyrir það sem við afgangurinn af Sjálfstæðisflokknum teljum ásættanleg mörk siðferðilega séð. Búið er að setja lög um styrkveitingar til flokkanna síðan þetta var. Formaður okkar tók vel á þessu. REI málið var stoppað af Sjálfstæðisflokknum bæði í Orkuveitunni og Reykjanesi. Þetta var 2006 en nú er 2009. Allt aðrir tímar, annað fólk, annað viðmið. Hvernig væri að hætta skítkasti og fara að vinna í að bjarga málum hér á landi.

[Hilmar Dúi Björgvinsson, 12.4.2009 kl. 11:35]

sæl aftur Stebbi

ég er ennþá til í að aðstoða þig við úrsögn!!!

hef nefnilega heyrt að það sé frekar erfitt að segja sig úr flokknum...það hefur allavega tekið einn góðan kunningja minn meira en 5 ár að gera það og ekki hefur það tekist enn.

Og einnig hef ég trú á því að það séu nú fleiri "styrkir" til flokksins frá því að bankakerfið var einkavætt.

gleðilega páska

[Eiður (IP-tala skráð) 12.4.2009 kl. 13:09]

 Hvað er  fólk eiginlega  að  fjasa ?  Afrgeiddu  þingmenn  Sjálfstæðisflokksins  ekki málið í hádegisfréttum  RÚV ?  Annar  sagði  málinu  lokið og   skýringar allar  góðar  gldar. Það lá í orðunum að  fólk ætti bara að  hætta  þessu  röfli. Hinn  sagði að  þetta  væri  tveggja ára gamalt  rugl og  svo hefðu allir verið í þessu. Málið útrætt.  Smjörið var á útsölu í Bónusbúðunum fyrir  Páskana.

Það er hinsvegar  rétt hjá þér, Stefán, að  þessu máli er  ekki lokið. Það á   margt eftir að koma fram í  dagsljósið. Ekki bara hjá  Sjálfstæðisflokknum heldur  fleiri flokkum. Hvað  skyldi til dæmis   DeCode,  Íslensk  erfðagreining hafa  styrkt  stjórnmálaflokkana mikið   í áranna  rás. Það þætti mér fróðlegt að vita.

[Margrét Birna Auðunsdóttir, 12.4.2009 kl. 13:57]

Það er bara ennþá verið að hengja bakara fyrir smið! Það hefur komið fram að Guðlaugur Þór hafi beðið þessa tvo menn um að safna peningum. Þeir hafa báðir sagt að afskiptum hans hafi lokið eftir það.

Finnst þér ekki eitthvað verulega bogið við að Sjálfstæðisflokkurinn hafi staðið svona illa fjárhagslega árið 2006, í miðju góðærinu?

Það hefur verið í umræðunni að þessi tvö fyrirtæki hafi verið að kaupa sér gúddvill innan flokksins vegna Geysis Green Energy og þess alls sem gekk á árið 2007 og setti borgarstjórn á hliðina. Þetta voru ekkert nema mútur og ber að rannsaka sem sakamál. Svo má skoða hlut Guðlaugs Þórs eins og annarra sem komu þarna að. En ekki bara hengja hann einan.

[Þórður Runólfsson (IP-tala skráð) 12.4.2009 kl. 14:24]

Hvenær ætlar formaður Sjálfstæðisflokksins að biðja kjósendur og þjóðina afsökunar?

[Guðmundur (IP-tala skráð) 12.4.2009 kl. 14:30]

Margur heldur mig sig.

Af hverju ganga menn frá því vísu að allir stjórnmálmenn sem hugsanlega hafa talað við vini síni og beðið um styrk fyrir flokkinn sinn séu með eitthvað óhreint í pokahorninu. Þegar að KR biður Halldór í Henson um styrk þá tapar KR næsta leik fyrir Val- er það svona sem hlutirnir ganga fyrir sig í ykkar heimi.

Þegar á móti blæs, félagið sem maður hefur alltaf trúað á fellur um deild þjálfarinn er leiðinlegur náði í KR-ing í liðið og þáði styrk frá Henson, þá yfirgefur maður liðið og fer í hitt liðið. 

Nei ég trúi ekki að íslendingar séu svona,  höldum áfram að trúa á okkar sannfæringu og ef við erum ekki ánægð/ eða treystum ekki fólkinu þá förum við og breytum því - innan frá - störfum í okkar flokki og breytum hlutunum. 

Jöfnun atkvæðarétt á landinu - fækkum þingmönnum í 49, landið í eitt kjördæmi, hámarksjföldi ráðuneyta sé 8, ráðherra segi af sér þingmennsku.

Bönnum framlög fyrirtækja til stjórnmálaflokka.

Lækkum framlög ríkisins til stjórnmálaflokka.

Gerum okkur grein fyrir því að þetta er smáríki með 320 þúsund manns sem hefur ekki efni á að haga sér eins og stjórþjóð - við erum eins og úthverfi í London og þeir eru á hausnum.